蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年02月26日

【韓流】58歲崔日和自爆涉性騷擾 受害人反駁曾遭性侵

9,739
建立時間 (HKT): 0226 12:52

韓國演藝圈近日掀起「#Me too」嘅反性騷擾、性侵運動,甚至多位資深演員如趙敏基、吳達洙、曹在顯等都捲入事件。而喺噚晚,曾演出《咖啡王子》、《樹大根深》、《師任堂,光的日記》等多齣劇集嘅58歲男星崔日和,透過所屬事務所坦白自己以前曾涉性騷擾,由於一直未有其涉性騷擾嘅消息傳出,所以其坦白認錯嘅行為亦震驚外界。

相關新聞:【韓流】吳達洙首回應性醜聞風波 曹在顯辭退教授一職

崔日和方面表示:「我真心表示道歉,哪怕係有一點同我有關嘅事,我甘願接受懲罰,我嘅內心只有抱歉。」據悉係有記者打聽到崔日和幾年前曾捲入話劇界嘅性騷擾醜聞,正想向崔日和了解時,崔日和就對外坦承事件並道歉。崔日和又指:「唔希望因為Me too運動公開受害人嘅身份,以及喺造成更大嘅傷害前,所以自願承認性醜聞嘅實實。我本應喺事件擴散時道歉,但老實說內心都好膽怯,雖然有啲遲咗,但我真心想要贖罪,亦真心想向當事人道歉。」

不過崔日和公開承認涉性騷擾一事後,有疑似受害人就留言反駁,鬧爆崔日和輕描淡寫提過事件,並想將性侵事件淡化成性騷擾:「唔通只有幾年前先係咁?仍係劇團新人就性侵他人,強行想將對方拖到旅館,對方反抗就遭到毒打並暈倒喺街上嘅事,你都唔記得喇?嗰件事之後,對方一直生活得渾渾噩噩,要接受精神科治療,甚至患上抑鬱症。我放棄咗話劇演員嘅夢想,25年來生活得鬱鬱寡歡,其實最令我覺得嬲嘅係因為你,我冇得唔放棄話劇演員嘅夢想,你可以用咩嚟賠償我?你必須要向我道歉,崔日和。 」

而崔日和原定有份演出下月播出嘅MBC新劇《牽著手,看夕陽西下》,飾演韓惠珍嘅父親,劇組今早表示因為崔日和承認捲性騷擾,故將會辭退崔日和並由其他演員代替其演出,而《牽著手,看夕陽西下》亦不會受影響,將按原定計劃於下月21號首播。

崔日和早於1984年以話劇演員出道,曾演出多齣人氣劇集、電影,亦因為多飾演主角嘅父親一角,被稱為「國民爸爸」。而崔日和爆出性醜聞前,係韓國話劇演員協會嘅理事長,並於4天前被任命為世宗大學終生教育院話劇系教授,不過世宗大學方面今日表示已決定取消聘用崔日和。

更多韓流,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載