› 選擇地區
三藩市
紐約
洛杉磯
其他美國地區
香港 台灣 北美
 
2018年03月01日

【麥玲玲話結婚大旺】莊思明趕做狗年新娘? 楊明:唔想太倉卒

攝影:葉君海
建立時間 (HKT): 0301 18:39

黎瑞恩、羅霖、莊思明、楊明同關兆昌,今日去到銅鑼灣為一間餐廳擔任剪綵嘉賓。

莊思明同楊明話自己都有興趣情侶檔搞生意,莊思明話:「我哋兩個都唔係勞心勞力搞生意嘅人,可能要搵家姐莊思敏配啲股份畀我哋,學吓搞生意。」講到麥玲玲指楊明莊思明今年結婚大旺,楊明話:「要好多嘢配合,包括時間同人和,自己會計劃開始求婚,到時話俾大家知。」楊明話盡快今年,因為思明今年有兩部劇拍緊,大家都好忙,楊明話:「自己又要時間籌備,唔想太倉卒,上次見到伍允龍已經同佢講咗,幫我預訂條威吔。」莊思明就話:「唔使搞到咁複雜,有心思同埋感動就ok。」

同年輕富二代J拍拖至談婚論嫁嘅羅霖,與J分手,退回朋友關係,羅霖話:「多謝大家關心我嘅感情事,今年要繼續努力工作,原本今年想投入感情事,但3個仔嘅學費令我好吃力,要全力投入工作。我唔係好開心,一啲網民同朋友話我呢啲年紀談感情,我哋呢啲年紀唔係唔可以追求愛情,係好正常嘅事,爸爸媽媽都想有個伴,如果我離婚時得1個小朋友,我早就結咗婚,因為我有3個小朋友,我先至犧牲呢樣嘢。」對於J君是否求過婚,羅霖話:「事實係有,我拒絶咗,大家做番朋友,將來嘅事隨緣。」對於是否跟老外展開新感情,羅霖話:「外國人同我哋有文化差異,我做空姐時都有外國人追,我會揀番中國人,嗌交都易啲。」另小恩小子正積極準備演唱會,除了食健康餐又要練舞,小恩子話:「每日都排舞,難度就冇,但我冇記性,因為得一個月唔夠時間排,啲舞都幾勁。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載