› 選擇地區
三藩市
紐約
洛杉磯
其他美國地區
香港 台灣 北美
 
2018年03月05日

【睇到頂唔順】《忘形水》贏最佳電影 陶傑狠批:左膠分豬肉

建立時間 (HKT): 0305 16:19

第90屆奧斯卡頒獎禮結果塵埃落定,《忘形水》奪得四獎成為今屆大贏家,不過名嘴陶傑就不值最佳電影給予《忘形水》,陶傑講到今次個賽果,佢覺得係「左膠」分豬肉:「《忘形水》我睇到一半,唔係好頂得順就起身。呢套戲應該係《鐘樓駝俠》、《美女與野獸》講過晒,今次將野生動物加一個21世紀、環保綠色阿凡達色彩,加埋導演被人話抄襲,我覺得冇乜新意。可能我唔夠公道,冇睇到尾,可能到尾開估出嚟好正。我睇意識主題,女主角演一個啞人,好明顯係想政治正確,擺明為攞獎。所以我覺得呢部戲係不值最佳電影。」

至於心目中最佳電影,陶傑心目中有兩套:《黑暗對峙》或者《廣告牌殺人事件》,陶傑話:「呢兩套有新意會係《廣告牌》,好就好過舊年套好惡頂嘅《月亮喜歡藍》,呢啲同性戀電影《斷背山》畀咗亦畀夠,舊年畀埋黑人,如果為咗政治正確而畀獎呢,就應該畀《戰雲密報》嘅梅姨。」

陶傑覺得《忘》片太造作,雖然《廣告牌》都有女性主義,一樣有政治正確,但故事講得好有新意,有技巧就係好戲:「套戲都左左哋,雖然佢表達手法都幾右,好似滿口粗口男人婆、大膽用侏儒配女主角,有段無花果嘅戀情啦,都唔緊要,呢啲先係最佳電影,係矛盾度搵到統一,《忘形水》呢啲係『直筆甩』抒情。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載