蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月11日

【捐出舞台劇收益】敖嘉年演古印度故事 梁珊化身「印度西施」

12,236
敖嘉年主演舞台劇《阿闍世》於今個月喺北角新光大劇院上演。(攝影:曹家誠)
建立時間 (HKT): 0311 16:21

敖嘉年主演嘅舞台劇《阿闍世》即將喺今個月20、21號喺北角新光大劇院上演,故事取材自古印度嘅佛教故事,一班演員包括身兼監製嘅資深演員梁珊、陳婉婷(Hebe)、梁奕藍、傅晉杰同埋敖嘉年,近日去九龍城進行排練。

幾位演員着戲服,喺排舞老師指示下擺出各種姿勢,唯獨嘉年着住便裝,佢解釋:「因為我哋啲衫全部都從印度訂,而我嗰件仍然製作中,所以今日淨係可以着便裝。」

講到故事構思,珊姐話:「喺十年前我喺一間寺廟上面見到壁畫,我覺得好靚,經主持解釋後先至知道呢個故仔,我聽完之後好鍾意,結果要等到十年後嘅今日先至集合到機緣可以開呢個劇。」珊姐仲話今次演出收益全部都會用嚟做慈善,分別會捐助廟宇同埋慈善機構,所以咁多位演員都係義務演出,只收少少車馬費。

今次劇目要跳唱歌跳舞,而且仲要跳古印度嘅舞步,係第一日排舞,事前綵排圍讀,已經練咗兩個月,嘉年話:「事前都需要睇一啲印度 Bollywood嘅電影取經,聽日仲要幫劇入面嘅歌錄音。」為咗令觀眾易明白,負責演出兼音樂創作嘅梁奕藍特登將歌曲重新創作,會集合古印度嘅民族歌同現代音樂,希望帶畀觀眾新鮮感。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載