蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月13日

【耳邊密斟】任由松岡埋身狂電 洗米華忽然嚟料:我攬佢阿媽!

214,501
建立時間 (HKT): 0313 11:34

頭先講完古天樂,依家講下澳門古天樂(佢自認)——洗米華(周焯華)。

古天樂多年來keep住同緋聞絕緣,澳門古天樂就相反。包括去年6月被影到喺夏威夷醉攬「㗎妹」松岡李那,令女方一夜爆紅,成為話題女王。

嗰一攬之後,兩人有冇斬纜呢?呢個問題,睇佢哋日前喺蕭定一公司周年晚宴嘅態度,應該估到一二。

當晚洗米華同松岡再次相遇,洗米華同蕭定一坐主家家席,松岡就同張建聲等演員坐另一張枱。開席冇耐洗米華已經走咗去松岡嗰枱。今日有周刊就話,洗米華過枱係因為想同其他人social,過到埋嚟「咦原來Linah你喺度呀?」好開心坐埋去。兩人雞啄唔斷,張建聲見狀都識做坐開,最後讓埋個位俾洗米華坐。

咁之後洗米華就同松岡一齊坐,又向同枱嘅傳媒朋友介紹松岡﹕「呢位係我緋聞女友。」唔止咁,當晚兩人「雞啄唔斷」嘅程度,可以用四個字形容:旁若無人。因為現場好嘈,所以兩人不時耳語,互有攻守,有來有往。而聲稱同洗米華相識7年嘅松岡,自從同洗米華同場相認之後,一直寸步不離。洗米華滿場飛,松岡都把握到最好機會,一個華麗轉身,又轉番去洗米華身邊,對眼係咁放電。

最吊詭嘅係,其實兩人都知現場幾百對眼望實佢哋,不過一於懶理。洗米華仲同友人介紹,講番當日派對上攬松岡單嘢,佢話攬嗰個火辣body,唔係松岡嚟0架,係松岡阿媽嚟0架,「搞錯晒,我攬佢個媽!就以為我攬住佢!」

蝦蝦蝦。

相關文章:
【Respect】唔會因為傳緋聞影響關係 松岡李那對洗米華始終如一
http://bit.ly/2Hth4bI

【醉攬之後...】洗米華與松岡再相遇 雞啄唔斷兼一齊敬酒
http://bit.ly/2FEqPXy

【暗讚洗米華性能力強?】驚聞Mandy四年生三個 松岡驚呼:咁易有咗!
http://bit.ly/2FOdR9G

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載