蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月17日
馬上成為壹會員

【最港電影大獎】最港男演員劉德華:提醒大家港產片一直努力緊

建立時間 (HKT): 0317 13:15

由《蘋果動新聞》舉辦嘅第一屆《最港電影大獎》頒獎典禮今日喺香港東隅舉行,劉德華憑《拆彈專家》連奪兩獎,包括「最港男演員」同「我最喜愛港片」,華仔今日更親到場領獎。

相關新聞:【最港電影大獎】君如頒「我最喜愛港片」 華仔代領獎:真係好surprise

華仔話:「今年係第一屆《最港電影大獎》,我覺得應該多啲呢啲活動,提醒大家港產片係一直努力緊。同埋睇到今年港產片嘅票房都好好,相信市民都睇到喇。」

今次《最港電影大獎》評分亦包括網民投票,華仔表示:「其實頒獎嘅最大意義,係可以同睇嘅觀眾接觸,知道觀眾嘅期許,等我哋自己發酵下,等我哋知道可以點樣做,真係好似拆彈咁,睇下有咩炸彈要拆,要好果斷。」

相關新聞:【最港電影大獎】評審團最港大獎:一念無明

華仔連奪兩獎,絕對實至名歸,是否增加對金像獎封帝嘅信心呢?他笑謂:「唔可以咁講嘅,始終呢個係觀眾投票,金像獎係有評審。」至於《拆彈》第二集,華仔就話:「第一集我哋已經好有信心0架喇,不過該死嘅角色都死晒,睇下點樣繼續啦。不過香港電影同名唔同故事嘅例子有好多,睇下《拆彈專家》可唔可以做到一個系列咁。唔係一定要實質咁拆一個炸彈,情緒上嘅炸彈都可以。」

場地:香港東隅

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載