› 選擇地區
三藩市
紐約
洛杉磯
其他美國地區
香港 台灣 北美
 
2018年03月17日

【0靚模始祖】周秀娜憶十年前同樂基兒同場:我最初係唔甘心

建立時間 (HKT): 0317 17:55

「0靚模始祖」,依家都應該冇人記得呢個名喇。

其實周秀娜仲有另一個已被完全遺忘嘅名,就係「翻版樂基兒」。

話說,係2008年6月13日,樂基兒去銅鑼灣出席一個腕錶活動,大會巧立名目,安排咗「翻版樂基兒」、當年23歲嘅model Chrissie(周秀娜),以32C上圍貼滿手錶嘅比堅尼同場亮相。

周秀娜當日一身打扮係誇張地性感,樂基兒就真空飛釘,被形容為「力保正印風頭」。活動後樂基兒受訪時稱:「 I feel bad for her(我替佢覺得難受),似我唔係咁好,佢比我更sweet更 cute。」身材都更好?樂基兒話:「冇所謂啦,我唔識講。」

娜姐喺商台節目《1圈圈》憶述番當日與樂基兒同場單嘢,佢話,其實嗰陣好尷尬:「嗰陣乜嘢都唔識,覺得有工作就做。嗰次我根本唔知Gaile(樂基兒)喺度,所以合照嗰陣,我係有點啲尷尬,怕被誤會博出位。」咁鍾唔鍾意呢個名呢?娜姐坦言當時感覺「一半一半」,但無疑呢個名為佢帶嚟好多。

「一半一半啦!我都唔知點解大家都對『翻版』咁有興趣。我自己最初係唔甘心,但佢確實為我帶嚟很多機會,大家好快就記得我。」

09年娜姐喺書展推出個人寫真,掀起哄動「周秀娜現象」,連大學也邀請她出席講座。嗰個科大講座,相信大家記憶猶新。李小良教授係咁講理論呀terms呀,要周小姐分享「喺intensive moment有冇一種pleasure」之類嘅問題時,EQ極高嘅娜姐一時語塞,但仍保持禮貌:「好深喎」、「唔係好明」、「你可唔可以問多次?」

當年是否以「性感寫真」手段出位,娜姐直認,當年出寫真,目的係令更多人認識自己,爭取拍電影的機會:「寫真係我自願出嘅,但冇諗過反應咁大!出寫真係當年成名嘅途徑,因為未正式出道前,有不停做好多casting,做好多唔同嘅特約。我發覺自己係甘願喺片場入面,所以我就知道自己想要。但若然要爭取更多機會,我覺得當然是要先俾人認識我。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載