蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月17日
馬上成為壹會員

【亞洲電影大獎】入行25年 47歲古天樂憑《殺破狼.貪狼》首膺影帝

建立時間 (HKT): 0317 21:43

第十二屆亞洲電影大獎頒獎禮將於今晚七點半喺澳門威尼斯人度假村酒店舉行。古天樂憑《殺破狼.貪狼》得到最佳男主角,是古天樂入行以來第一個影帝。

相關新聞:【同舊老細新歡唔熟】黎明升呢做爸爸? JM:唔敢打搞佢

古天樂93年加入大台正式踏入娛樂圈,參演嘅電視作品如《神鵰俠侶》同《尋秦記》等至今都為人津津樂道,2000年開始將重心轉向影壇,參演多部作品都有令人眼前一亮嘅表現,可惜一直與影帝兩字擦身而過,今次亞洲電影大獎係古仔入行多年嚟第一次嚐得影帝殊榮。

古天樂啱啱拎到人生中第一個影帝,心情唔錯嘅佢笑言:「其實自己都冇諗過,今日拎咗呢個亞洲電影大獎係咪即係我已經衝出咗亞洲呀?」

相關新聞:【做頒獎嘉賓】今年形象轉變做打女 鄧麗欣:感覺幾好

其後古天樂喺後台接受訪問:「其實今次係團隊嘅努力,自己都冇諗過拍一套動作電影會有提名,好多謝洪金寶大哥、Paco同埋我最信任嘅團隊,我自己唔係一個動作演員,第一日叫我做嗰陣,我聽到眼珠都跌埋出嚟,好彩自己拍咗咁耐都冇受傷。」

古天樂話自己好多謝洪金寶大哥特登叫人拍埋、剪埋、配埋樂整到成套電影咁比佢跟住啲動作做,佢又話:「我做到一百招已經好叻,但係今次要做幾百招,都用咗多好日去練。」佢仲話自己o依家知道拍動作戲要好真誠,要比好多時間去練去學,比心機去做就一定做得到。

問到佢心情如何?古仔笑言:「入行廿幾年呢個係我第一個演戲嘅獎項,心情真係冇辦法形容,好似我嗲哋咁講:『要多謝人要用個心,唔係用把口』,我一路都有做緊。」

古仔話自己真係冇準備過會拎獎,問到古仔屋企人會唔會睇緊電視?佢就話:「應該冇啦,佢哋都唔知我嚟澳門,亦都唔知我做緊乜。」最後古仔表示稍後會有個少少嘅慶功,聽日就要趕返去繼續工作,問到金像獎有冇信心,古仔就話唔諗太多,作為一個演員得獎都係命運安排,自己會專心做好香港電影。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載