蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月19日

【有乜好尷尬】 Chilam 硬晒軚 關靚靚定阿佘事?

28,628
建立時間 (HKT): 0319 17:21

耳東影業今日於香港國際影視展發佈最新電影《洩密者》及《家和萬事驚》。《洩密者》嘅演員陣容括有吳镇宇、張智霖、佘詩曼、劉浩龍、楊柳青及灰熊,導演邱禮濤率領眾演員上台,為搶先暑假上映嘅《洩》片進行宣傳。張達明及唐文康監製嘅黑色喜劇《家和萬事驚》將於暑假上映,演員包括吳鎮宇、古天樂、袁詠儀(靚靚)、張達明、林子聰、劉浩龍、雷深如(J.Arie)、吳肇軒及蔡頌思等。

兩齣戲嘅演員同台大合照,Chilam同老婆靚靚企埋一齊,Chilam另一邊就係曾經傳緋聞嘅佘詩曼,佢哋一齊喺台上祝酒,Chilam成個人硬晒軚,左右都唔夠膽望,靚靚同老公冇特別交流,而阿佘喺祝酒嘅時候,就主動同阿靚祝酒碰杯,兩人禮貌交流,化解多年不和傳聞。

Chilam、鎮宇同埋阿佘一齊做訪問,鎮宇話特登增肥唔同chilam爭有型。問到Chilam頭先企喺阿靚隔籬硬晒軚,Chilam笑言:「企喺佢隔籬梗係硬晒,唔通軟晒好似軟皮蛇咁咩。」講到佢哋喺台上搵位企調來調去,Chilam話:「地下有label,跟番個名。」

問到阿佘有冇尷尬? 阿佘話:「冇,點解呢?呢啲(緋聞)係人哋寫嘅。」 Chilam幫口話:「寫嘅人別有用心,大家私底下喺party都見過面,有打招呼。」

靚靚得悉老公話企喺佢旁邊硬晒,靚靚話:「好正常,有乜出奇, 唔係企喺我隔籬硬晒,企喺邊個隔籬先至硬?」咁啱阿佘亦企喺Chilam隔籬,阿靚話:「大家好熟。」問到幾時熟,阿靚話:「其實唔熟,不過公開場合有打招呼,探班見過幾次,打招呼係禮儀。」對於阿佘同老公傳過緋聞,阿佘話:「我同好多人都傳過緋聞,我咪好唔得閒,大人嚟㗎,我唔係細路仔,有乜好尷尬。」對於是否阿佘會尷尬一點,靚靚話:「點解?唔講呢個話題喇。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載