蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月24日
馬上成為壹會員

【去年十月未甩拖?】黎明女友Wing前夫有家底 男友又係富二代

建立時間 (HKT): 0324 12:30

黎明就快做爸爸,此消息經過黎生確認後,唔少fans都嚇到跌咗個下巴落嚟咁滯。

相關新聞:【明蝠俠幕後主腦?】黎明化解公關災難仲識玩fb 因為Wing?

黎明一向都好鍾意小朋友,今次女友Wing為佢陀B,自然開心到不得了。本來深閨嘅黎明,變得更深閨,專心在家照顧Wing,一齊迎接小生命來臨。

關於Wing嘅背景,連日有不少報道,最為人知係佢曾經做過李治廷助手,以及話佢喺公司呼風喚雨咁啦。今日有周刊仲披露咗Wing嘅情史,同佢上位之路添。成個故事夠晒曲折而且傳奇,令人歎服。

相關新聞:【今日32歲生日】黎明新歡Wing閂晒fb同IG 防有米前度(s)被起底

報道指,Wing同黎明拍拖之前,曾有一段婚姻;離婚後,又有一段戀情,對象據知都係富二代。

一向對感情事三緘其口嘅Wing,絕少向同事講自己私生活。有指Wing前夫係太子爺,屋企係做飲食生意嘅。佢當年加入A Music時已經係人妻,有啲相熟同事略知佢老公係有米之人,仲笑佢賺銀買花戴。但佢幾時結婚同離婚,就冇人知。

離婚後,有指Wing同車行富二代Vincent拍拖,去年十月仲一齊出席周國賢細妹婚禮,但當時是否已分開就不得而知,估唔到依家變成為黎明陀B,發展得真係好快!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載