蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月25日
馬上成為壹會員

【四大父王好有緣】劉德華客串演出 閘停親熱鏡頭免傷舊患?

建立時間 (HKT): 0325 15:47

劉德華今日喺將軍澳出席聯合國兒童基金會活動,提倡要多親子活動,華仔指細個家人給自由空間大,家人開大排檔,俾佢揀幫手洗碗或洗枱,一家人好親密,自己喺溫暖嘅家長大。現今世代佢話難避免接觸電子產品,自己個女有獨立一部iPad,但要計比例接觸:「唔可以用我哋大人嘅手機,有時睇到工作相例如血腥照就唔好喇,之前我做物理治療買咗個彈床,之後我哋一齊玩。」問佢係咪精於電腦?佢話:「我係電腦白痴,只係睇下郵件,我將我基本嘅知識教佢(女兒),點都要教啲,免做洞穴人。」

相關新聞:【上年八月復工】華仔同鄭秀文拍檔主演新戲? 許鞍華澄清:佢係客串

休息一輪,華仔落實客串許鞍華新戲《花椒之味》,佢指戲中做鄭秀文男友:「o依家度緊期,之後等開拍《掃毒2》,今年應該係呢兩套。」問到會否有親熱?佢話:「冇喇,但唔可以一嘢拒絕,未知,但阿Ann(許鞍華)會有啲乜,如果李安搵我可能擔心。」

7月華仔為演唱會綵排,但應減少難度動作,至於做不回以往的高難度動作,佢得戚話:「點知㗎?不過難度可能有啲影響,柔韌程度或者冇咁高,可能好似1993年演唱會你哋笑我跳舞。」另外,黎明榮升爸爸,華仔表示恭喜,有指若黎明生女,四大天王變四大「父」王,華仔話:「呢啲唔知,如果真係咁橋,咁四大天王真係緣份好深。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載