梁漢文、林敏驄、黃心美、陳炳銓、黃奕晨、陳俞希等今日喺邵氏影城，為ViuTV大型遊戲節目「Good Night Show全民星戰」進行開鏡拜神，呢個節目將會喺4月30號至6月13日播出，市民同明星嘉賓對戰，爭奪合共超過100萬元嘅遊戲獎金。
黃心美笑言自己完全唔熟世界盃，淨係會睇靚仔球星C朗，所以唔明白點解公司會搵佢做主持。講到同林敏驄拍檔做主持，心美話﹕「好驚，第一次活動見到佢，之後我哋合照，佢話咁益佢。到頭先綵排嘅時候，介紹我哋幾個主持乜嘢醬名，點知佢叫我做『吹醬』，中間仲要加個助語詞，佢轉數真係好快。問佢覺得梁漢文嘅心情？心美表示：「冇乜受影響喎。」
而梁漢文就係足球愛好者，講起波經就停唔到口，佢話﹕「今次個節目觀眾最正，如果藝人過唔到關，觀眾就爽喇，每集有4萬蚊。」問佢會唔會飛去俄羅斯睇世界盃賽事？佢話：「會呀，我睇決賽，阿驄睇開幕，仲申請埋證件。我捧巴西同英格蘭，鍾意巴西嘅技術，英格蘭就情意結。」
精選娛聞，喺晒《娛果》 http://fb.com/appledailyent
