› 選擇地區
三藩市
紐約
洛杉磯
其他美國地區
香港 台灣 北美
 
2018年04月11日

【最後一擊】着泳衣拍廣告 羅霖:價錢好緊要

建立時間 (HKT): 0411 11:54

羅霖、陸詩韻、關禮傑夫婦、吳國敬等噚晚去到尖沙嘴洲際酒店出席博愛醫院董事局就職典禮晚宴,羅霖鮮紅色晚裝,胸前及內側添上一層肉色紗,看似好性感,佢話條裙好穩陣。羅霖最近獲得好多朋友恭喜多咗個女,佢話:「細仔想養一隻狗,我話畀佢聽係一世責任,o依家除咗照顧三個仔仲多咗個女,我一直都想養隻狗,有啲寄託同歡樂。」點解唔搵個男友陪下呢?羅霖話:「狗仔好啲,男朋友都會激你,你又要嘥時間陪佢,狗仔就會等你返屋企。」

溫碧霞今年即將推出寫真,羅霖亦係表表者,並讚對方keep得好好,不過自己就唔會再推出寫真,反而傾緊一個美容院廣告,傾得成會係最後一次公開着泳衣,羅霖話:「要價錢高先會着泳衣,話晒都係我最後一擊,交畀經理人傾緊,總之價錢好緊要。」

陸詩韻騷長腿上陣,佢話平日露得太多都悶, 同埋年紀成熟咗鍾意美感,今日已經係極限。會唔會泳裝重現人前?佢話要畀半年時間keep fit,但 其實都有諗過40歲前影一輯靚相留倩影,始終都冇的起心肝。溫碧霞會出寫真,陸詩韻視對方為女神,佢話:「早幾年都有人問過我出寫真,但我覺得時機唔啱,希望呢幾年會有一啲成就,到時就會出番本寫真, 但如果過咗40歲就勉強啲,希望呢幾年內。」時常被人追問對象問題,陸詩韻話有對象了解中,但好多朋友都提醒如果要生小朋友就要快,覺得兩口子都可以,另一半如果想要bb會尊重。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載