蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月15日

【金像獎】楚原自爆曾被六嬸嫌棄 終身成就獎得獎致辭值千金

395,998
建立時間 (HKT): 0415 23:16

84歲嘅楚原(原名張寶堅)獲頒「終身成就獎」,並由首徒馮淬帆頒發。馮淬帆出場時話:「大概喺1967,當時仲係麗的做播音,啱啱有兩餐飯食,之後有電話打嚟話楚原搵你拍戲,我就係咁拍《紅花俠盜》入行。我之後同佢講「我想做導演。」馮淬帆之後馮跟住其他前輩學做副導演,楚原有次分工作俾佢,不過馮做完之後,太多鏡頭係close up,就俾楚原指責。馮淬帆話:「佢唔只係帶我入電影界嘅恩人,亦係我永遠嘅師父。」

相關新聞:【金像獎紅毯】張繼聰緊張到唔識笑 阿Sa驚噏錯人名

大會介紹,楚原由1955年投身編劇工作,參與製作過百部電影,1973年邵氏推出首部電影《72家房客》就係由楚原執導,拍出香港人生百態,並創出票房高峰。從此一度消失嘅電影恢復製作,香港電影史就由此改寫,背後堅持以粵語嘅推手就係楚原導演。

楚原撐著柺杖,由太太南紅同孫女陪同上台,一臉白鬚,但樣子好精神,全場企起身拍手。楚原話:「Thank you,請坐,請坐,請坐。好多謝我大徒弟馮淬帆,捱義氣由台灣嚟頒呢個獎畀我,揸住先啦(獎座)。」

相關新聞:【金像獎紅毯】逐影帝噚晚驚失眠 古天樂睇戲催眠真係瞓到

「我諗大家都好想知道,我拖住呢個妹頭係乜人,佢係張家嘅大小姐,我哋嘅大姐大,今年6歲,樣貌都唔錯吖,係佢爺爺心中嘅綠寶石。佢今晚夠義氣呀,佢平時八點半就瞓覺,今晚捱到十點,同大家打個招呼啦!」之後楚原就安排孫女返後台,早啲瞓覺。」

之後楚原講咗一段發人深省嘅感言:「將一個終身成就獎,頒畀一個終身冇乜成就嘅楚,你哋即係監逼我講句受之有愧。回首半生,青衫人老,喺漫長嘅人生中,有開心時候,但困難日子都有唔少。人生大概都係失意倍多,如意少。

「我破咗香港賣座紀錄,老闆即刻同我簽張新合同,人工加咗十倍,個個都話我係香港最幸福嘅導演,十幾年後我嘅戲唔賣片,拍完幾部仆街片,就想拍《天龍八部》,開鏡前一日,方逸華小姐入嚟撕咗張通告唔畀拍。入到寫字樓第一句就問我:『邊個畀你拍《天龍八部》,蝕錢你有錢賠咩?』最後兩句就話:『楚原,你根本唔識電影藝術,你根本唔識拍電影,嗰時人人都話我係邵氏公司最難堪嘅導演。

「但人生呢兩個字,就係歡聲同淚影,呢四個字砌成,冇乜奇怪吖!任何人,無論你噚日幾風光,噚日幾失意,聽日天光一樣要起身做番一個人,繼續生活落去,因為明天總比昨天好,呢個就係人生。」全場都拍掌!

楚原繼續話:「唔講你唔知,人生原來同打麻雀一樣,有東南西北風,打到北風又係另一個人生。如果你老到我係咁,冇得撈,記得後生剩番個錢,如果你老到好似我咁,連終身成就都攞埋,你就應該『管他天下千萬事,閒來輕笑兩三聲』。到老時候,無論外面發生咩事,『管他喜怒哀樂,管他恩怨情仇』,全部都係菩提明鏡,笑吓就算,古今多少事都付笑談中,我送畀大家我喜歡幾句,『當你回首往事,不因碌碌無為而悔恨,不為虛度年華而羞恥』,咁你就可以好驕傲咁同自己講:『你,無負此生』,多謝!」

【金像獎紅毯】張繼聰緊張到唔識笑 阿Sa驚噏錯人名 【金像獎紅毯】逐影帝噚晚驚失眠 古天樂睇戲催眠真係瞓到 【金像獎紅毯】浩南山雞大天二橫行:今年黑黑地嘅人旺旺地 【add即時.尚】金像紅地毯(1):青春系... 余香凝要「走光」梁雍婷驚嚇黑白 【金像獎紅毯】「影後」周秀娜離晒罩 欣宜揚言:冇諗過爆喊! 【C1頭條】開胸Stephy超性感:我件衫郁得,個人唔郁得 【金像獎紅毯】杜汶澤爭新晉導演覺得醜 出席只係唔自私 【金像獎紅毯】踢得太埋要硬食 鄭中基腳踭骨裂拍文戲療傷 【add即時.尚】金像紅地毯(2):花裙爭影后 飄逸娜姐 Vs 低胸Stephy   【金像獎紅毯】成龍現身惹市民尖叫 劉德華壓軸出場 【金像獎紅毯】溫碧霞疑似露暈 性感程度拋離所有女星 【add即時.尚】金像紅地毯(3):辣薑來了!葉德嫻紅裙嬌美 余安安又嫁女? 【金像獎】凌文龍《黃金花》摘最佳新演員 【金像獎】香港抗日片《明月幾時有》成最佳電影 奪5獎成大贏家 【金像獎】彭秀慧摘新晉導演 古天樂《今期流行》又被玩 【add即時.尚】金像紅地毯(4):影帝之選 劉德華Tom Ford鬥鄭中基DG 【金像獎】《明月幾時有》摘最佳美術指導 文念中爆許鞍華趣事 【金像獎】撼贏杜汶澤攞新晉導演 彭秀慧:只係做好自己嘅事 【金像獎】專業精神獎:茶水阿姐Pauline姐 全場站立致敬 【金像獎頒獎禮】入行33年 姜皓文憑《拆彈專家》奪最佳男配角 【金像獎】已故資深音效大師曾景祥 最後一個音效獎 【金像獎】秋生「掌摑」成龍「中國電影」論 全場靜默… 【金像獎】姜皓文雙喜臨門太緊張:唔記得多謝太太 【add即時.尚】鄧麗欣Valentino花裙 姜皓文孖襟贏衣着獎 【add即時.尚】金像紅地毯(5):大熱毛姐 GA黑裙閃配470萬Tiffany 珠寶 【金像獎】37年六度得獎 許鞍華《明月幾時有》封最佳導演 【金像獎】《大樂師.為愛配樂》突破場次少限制 奪最佳原創電影歌曲 【金像獎】58歲毛舜筠首奪最佳女主角 得獎似發夢 【金像獎頒獎禮】完整得獎名單 【金像獎】準備講稿打臉成龍 影帝古天樂:我哋香港人要團結 【金像獎】老公睇淡阿女企硬 毛舜筠封后煮7日大餐慶祝 【金像獎】有洋蔥 古仔一定要同父母住:依家每日係阿媽嗌我起身 【最港大師班】出爐最佳新演員《黃金花》主角凌文龍 深情演出《茶果》 【最港大師班】《黃金花》導演陳大利現場指導製作花絮 【金像獎】葉德嫻成最佳女配角:香港電影可以容納年紀大嘅演員 【出爐最佳男配角】姜皓文台上忘多謝太太:佢叫我唔好成日喺出邊講佢 【仲有冇香港電影】唔評論黃秋生事件 古天樂:要做好電影 【講稿有畀大會睇過!】黃秋生「掌摑」成龍「中國電影」論:我睇唔到佢 【要有好劇本先考慮】希望可以拍女性題材嘅電影 葉德嫻:希望Bill Gate出手 【最精彩嘅一part!】金像獎台上金句洗版 楚原:老人家講嘢,隨心啦 【慌張西望】香港電影,靠催眠就可以不死? 【紅毯不斷更新】周秀娜露背離罩搶鏡 鄧麗欣中門大開
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載