蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月16日

【捱得好辛苦】爸爸與癌魔搏鬥 袁偉豪心情勁差:可以話倒數階段

141,913
建立時間 (HKT): 0416 20:17

袁偉豪(Ben)、唐詩詠、朱晨麗、黃長興等今日喺尖沙嘴出席新劇宣傳,袁偉豪於劇中要以接吻偷取時間續命,袁偉豪受訪時頗有感觸,原來袁爸爸同樣在生命倒數,呢個時段播都覺得好啱。

袁偉豪曾透露爸爸患過鼻咽癌,曾經好番,但近年復發連肺部都有事,最近情況更轉差,Ben一臉憂心話:「爸爸身體唔係幾好,已經搏鬥好幾年,係癌症,可以話係倒數階段,但都要去面對。」拍攝時有冇影響心情?佢話:「有啲,但盡量唔想影響工作,o依家後生有能力,就盡力去承擔,唔想令照顧爸爸嘅媽咪擔心。」Ben直言拍劇時最辛苦,因為好多時都係最早埋位,但最遲收工,搞到眼袋好似雞蛋咁,佢苦笑話:「個殘樣都幾適合呢個就嚟死嘅角色。」

詩詠透露新劇係以科幻愛情作包裝,畀人反思時間嘅重要性,佢話:「教人只要堅持就會見到曙光。(咁你感情現曙光未?)好遠呀,仲行緊去。」佢覺得除咗愛情,都要諗吓有乜仲可以令自己開心,改變思想同人生方向,令另一半一齊向前行。對於好友古天樂同姜皓文都喺金像獎攞獎,詩詠話都有恭喜兩位。

而朱晨麗就預告喺劇中會有性感演出,佢話﹕「會跳鋼管舞,練習嗰陣好多高難度動作都做唔到,搞到好down,但諗到BB都係要學爬先,就繼續努力練習。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載