蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月19日

【俾小丑圍攻】謝天華赴泰拍戲逾月 大肚老婆唔肯預告生仔定女

11,572
建立時間 (HKT): 0419 20:03

謝天華今晚帶埋太太Tina同阿仔一齊去到中環海濱活動空間觀賞馬戲團表演,嚟睇騷嘅仲有Ana R.、梁嘉琪、余思敏、王曉君、馬詩慧一家、琦琦、貝安琪同老公、黃賢誌同另一半Kevin ,黎諾懿同太太李潔瑩,而連詩雅嚟到時就被小丑作弄,好彩有小丑拖住佢o氹番。

天華影相時不停俾小丑玩,又被除帽又被掟谷爆,玩到佢面都紅埋。天華受訪時被問到係咪好尷尬?佢話:「冇試過咁近距離同小丑接觸,細個好驚小丑,覺得佢哋好蠱怪,好似monster咁。」

Tina再度懷孕,天華話之後要去泰國拍劇到6月尾先返香港,今日要一家人出席兼陪太太,咁到時會唔會停工陪太太待產?佢話:「唔會刻意停,有工作都會做,不過臨生前都盡量留港,費事到時突然生,趕唔切返嚟。」

之前照超聲波睇唔清楚呢胎係仔定女,過咗幾日原來天華都仲未知,佢話太太唔肯講,不過拍戲時有人教佢量脈搏,天華話:「返去試下又似係又似唔係,所以都係唔知,最好等太太講。」問到佢係咪好想追女?天華話:「好字又好,孖字又好,無所謂啦。」

講起大肚婆,陳倩揚就陀住7個月一家四口出動,佢話:「就嚟7個月,可能第三個,個肚大得特別快,聽日做產檢,又可以睇吓囡囡情況,其實都冇緊張。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載