蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月20日
馬上成為壹會員

【爸媽最開心】《三一如三》李靖筠解禁狂煲劇 入行冧掂阿媽做Fans

建立時間 (HKT): 0420 07:00

24歲嘅李靖筠(Gladys),蓄了一頭短髮,散發青春書卷味。中大酒店管理系畢業,自少嘅夢想係做新聞主播,誤打誤撞做咗模特兒,跟手入埋行,拍過ViuTV嘅《三一如三》飾演阿花、即溫碧霞個女;但她最為人熟悉,是拍過許志安《流淚行勝利道》MV,仲有某品牌(食完會好幸福嗰隻)止痛素廣告。近作是參演甄子丹有份主演嘅新片《大師兄》。

相關新聞:【纖巧就係文青?】李靖筠心急坐唔定 同大眾印象有好大差距

出身傳統家庭嘅Gladys,父母都係I.T.人,家教森嚴,嚴到連周星馳嘅電影,Gladys都係近年才有機會接觸:「大部份人接觸周星馳,都係『周日影院』,我屋企人一見到『周日影院』就轉台。佢哋覺得我應該花多啲時間係有用嘅地方,例如查下字典呀,所以細過冇咁多機會接觸電影。我部電腦守衛都好森嚴,嚴過圖書館,install唔到嘢。」慘過CD-Rom。

但結果Gladys卻由模界跳入戲行,家人沒意見嗎?Gladys稱他們態度中立,不過媽咪嘅反應就露咗餡。「媽咪見到廣告出街,會好開心,影晒俾我睇,仲話睇晒咁多集《三一如三》,然後話:『你做得好好呀!』我知道佢哋真係開心,同出於關心,擔心我工作唔穩定,突然間搵唔到錢、生活唔到。

「細個成日參加debate team(辯論隊),媽咪話我駁嘴駁舌,覺得我大個咗應該做律師嘅,阿爸就覺得我份人魯莽,唔可以做醫生,但鍾意動物,可以做獸醫啦。但自己真係太魯莽,細節會忽略咗。」咁Gladys自己又想做咩呢?心願係做主播。依家入咗行,算係達成願望,而且做演員還可以加入個人情感。

娛樂圈靠緋聞是非炒熱人氣,有人氣先有人搵你開工。之前Gladys亦傳過同崔健邦發展,女方早已否認:「父母冇講啲咩,心裡面有啲擔心啩。其實未入行佢哋已經擔心。」

Gladys表示冇刻意俾父母知佢拍拖,但雙親一睇到啲蛛絲馬跡,都會不安:「大個咗有帶過返屋企,介紹下。通常老竇唔會問,就叫阿媽問。」

講到擇偶條件,Gladys就話根據「吸引力法則」,即係你個心諗住嗰陣,就會遇到嗰樣,Gladys話應該會搵到啲簡單嘅人:「但唔可以太冇內涵,比較成熟有經歷,有諗法好緊要,未必實際,但有諗法然後去付於行動。」

場地提供:小時光scoool

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載