› 選擇地區
三藩市
紐約
洛杉磯
其他美國地區
香港 台灣 北美
 
2018年05月13日

【好使過外傭】未來老公變家務助理 卓韻芝爆笑:婆婆點佢拖地收衫

建立時間 (HKT): 0513 15:23

卓韻芝、凌文龍、余安安同囡囡李文騫(Sasha)、陶傑、陳志雲、葉童、劉兆銘等,噚晚到演藝學院出席音樂劇《貝隆夫人》名人紅星夜,劉兆銘見到凌文龍,即主動上前握手,又同安安、葉童影合照。

今日係母親節,卓韻芝會同婆婆飲茶食飯慶祝,佢笑謂:「不過係男朋友準備,婆婆O依家仲點佢做家務,叫佢收衫、拎衫去洗、拖地,屋企好似多咗個家務助理咁。」送咩禮物畀婆婆?卓韻芝話:「佢話送衫(出席婚禮嘅衫)已經夠,仲封利是畀我。我本來諗住揀婆婆裝畀佢,點知佢揀咗套Chanel,好優雅,妮歌潔曼(Nicole Kidman)都着過,佢真係好識揀。」

卓韻芝仲爆婆婆想送首飾做嫁妝:「但我唔想戴,因為我成日唔記得放喺邊。」至於訂婚戒指,佢話係未來老公設計,婚戒想自己整,覺得咁樣更有意義。

另外,凌文龍話會送絲巾畀契媽余安安作為母親節禮物。問到Sasha送咩禮物?佢就保持神秘:「係Surprise!」安安聽到囡囡咁講,即笑話:「頭先又話冇。」Sasha只好招供:「我哋會去睇馬戲團,訂咗枱食飯。」安安即甜笑話:「佢哋知我為食。」

凌文龍今晚凌晨會飛去芝加哥出席電影節,《黃金花》有份入圍,兼獲大會頒發最佳新星獎,安安笑話要坐十幾個鐘關係,所以只好派契仔赴會,但自己都送咗個頸枕畀對方。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載