蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年05月16日

【娶表妹為妻】台灣Blogger貼老婆溫泉相疑露點:大家都有乳暈

118,078
建立時間 (HKT): 0516 18:12

行又影,食又影,瞓又影絕對唔係港女嘅專利,好多KOL、Blogger每日都忙緊呢件事。台灣一個叫「無敵小恩恩」嘅Blogger,癖好就係鍾意喺網上晒老婆Annie嘅性感照——冇錯,「小恩恩」係一個男人嚟嘅。

「無敵小恩恩」繼之前貼咗老婆著黑色性感內衣相,噚日佢又分享咗同老婆、一對小孩去日本有馬入住温泉酒店嘅度假相,至今點擊已經超過60萬!(文章連結: https://bit.ly/2ImIRQf )

呢個Post有咩咁吸引?之唔係呢位Blogger喺分享佢入住温泉酒店美景同美食嘅同時,好無私咁分享埋佢老婆嘅露點相。唔少網民都留言讚Blogger大方,有人仲留言話「太棒了!我會變成忠實讀者,希望以後還有福利照釋出」,但亦有人留言話唔覺得有乜大驚小怪。

其實「無敵小恩恩」本人都覺得問題不大,所以當有網民留言、溫馨提示佢話老婆走光了,佢都好淡然話:「大家都有乳暈」、「你有一張露點了,還被PO到爆廢公社了。」、「很美不用修喔」。網民笑言留言都非常可觀。

「無敵小恩恩」今午接受台灣《蘋果》訪問話,分享呢啲相用意係想分享美好嘅事物俾大家,照片經過雙方同意先上傳,仲話老婆係佢親表妹,因為台灣法律不允許,所以兩人在外地登記結婚。對於老婆三圍,佢就話上圍是34E,其他部位就因為老婆嫌自己肥,冇度過。

相片上載後,有正反唔同意見,有宅男女神之稱、同樣擁E Cup上圍嘅「雞排妹」鄭家純,都有喺自己facebook轉載「無敵小恩恩」呢篇Blog,仲因為咁一度掀起網民罵戰。

雞排妹貼文話:「大家早安,給各位提神。文中還有米分系工福利照,佛心。你看,這不就是先驅者帶來的效應嗎?是臉書觸及率把部落客逼到這樣,還是部落客們本來就很競爭XD」隨即有網民留言問佢係咪有點「酸」,雞排妹就回應話:「覺得很美啊,為甚麼要覺得我在酸?之前有粉絲傳訊息問我,怕餵母乳會讓乳暈變醜,但她又很愛美怎麼辦?我的回應是鼓勵她餵母乳,然後真的變不好看再去醫美保養恢復,現在有這個部落客的圖文,我以後可以讓私訊我的人更安心,一整個很溫馨阿?」

不過,有網民依然覺得雞排妹呢番話唔係真心話,繼續追擊反問:「這樣的說法,對很多媽媽不公平,為什麼不能說露的很漂亮性感,非得跟母愛扯再一起?」但雞排妹就未有再回應佢喇。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載