蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年05月17日

【繼母仲細過自己少少】56歲富商曾文豪娶港姐 二女曾昭亮:好突然

486,212
建立時間 (HKT): 0517 20:38

現年31歲嘅06年落選港姐李美慧(原名李斯庭),下月與56歲富商曾文豪結婚,之前仲去埋不丹影婚紗相。結婚係開心事,李美慧今日出席新劇宣傳活動時,亦大方受訪分享喜悅;事有湊巧,原來今日準新郎嘅二女曾昭亮都有現身另一活動喎。

曾文豪二女曾昭亮(Alison)今晚以露背裝出到中環出席太陽眼鏡品牌派對,講到父親再婚,Alison話好戥爸爸開心:’Very happy for him!'又話大家都係希望得到愛。

至於婚期,Alison表示:「我冇權去講,但我會去參與嘅,會去幫手。」問及覺得繼母李美慧如何?Alison就話:「佢好好,好好人,見到佢哋一齊好開心,好開心for daddy and 媽咪。」之後即改口:「哎呀唔係媽咪呀!」咁係咪嗌媽咪?佢就話:「唔係嗌媽咪,因為佢同我一樣大(年紀)。」溝通冇問題?「冇呀,溝通得幾好!爸爸都唔係好老啫。」但其實計番實際年齡,曾昭亮仲大過繼母少少。

Alison又稱不覺得太快結婚:「大家鍾意對方就得喇。大家有feel就係有feel囉,見到爸爸開心就得。」佢話真係唔知兩人如何認識,著傳媒問番爸爸喎。

咁爸爸有冇就婚事問你意見?Alison稱:「冇呀!」覺得好突然?「都係,都有少少突然嘅。不過佢開心就得啦!我冇嘢講。」又稱有見過繼母,之前仲一齊去不丹陪一對準新人影婚紗相。

如果爸爸話要再生BB,會否贊成呢?Alison表示:「會!因為自己有自己嘅family,冇所謂啦,總之自己開心就得喇。希望爸爸開心啦,都冇所謂,佢都好young啫!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載