蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年05月27日

【唔使解釋越位】讚女友李佳芯識睇波 陳炳銓:我哋同一陣線

14,776
建立時間 (HKT): 0527 16:35

黎學勤、林耀聲、黃溢濠同莫竣名今日喺apm出席ViuTV《全民星戰》活動,駱振偉、詹朗林同陳炳銓就擔任司儀。四位男神即場試玩「搶錢」遊戲,只係得黃溢濠成功挑戰。

成績最差嘅黎學勤話:「我以為自己隻手大會易啲,真係估唔到我最渣,啲錢係咁飛埋黎好尷尬。」問佢現實中啲錢係咪都「飛埋黎」?佢就笑謂:「邊有呢啲呀?之前拍咗個online嘅廣告,暫時都未有其他嘢,不過最近就操緊肌。」

問佢操肌係咪想出寫真?黎學勤就話未必:「都係做訪問著下背心,我又未好似彭宇晏咁fit,等啲線條再現啲先。」

同場嘅陳炳銓日前被拍得同女友李佳芯拍拖放狗,佢話:「咁養咗狗呢啲都係指定動作啦。」問佢地係咪都盡量爭取時間見面?陳炳銓話:「佢相對忙啲,我自己除咗做ViuTV,仲有間production house要搞,啲租好貴,所以最近忙緊搬地方。」

講到黎緊世界盃,陳炳銓就話自己以前都踢波,但因為斷咗腳,依家淨係做觀眾:「世界盃大部分我都有睇,自己都鍾意鋤強扶弱。」

問佢會唔會同李佳芯一齊睇波?佢話有時間都會成班朋友一齊睇,仲大讚女友都識睇波:「佢之前做過世界盃所以識,睇波都同一陣線,唔會嗌交,我啲朋友都畀我感染到。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載