› 選擇地區
三藩市
紐約
洛杉磯
其他美國地區
香港 台灣 北美
 
2018年05月29日

【藝人辛酸】唐文龍北上發展無依無靠 洪永城過檔大台搞到M字額

(攝影:黃曉妍)
建立時間 (HKT): 0529 14:23

唐文龍、米雪、黃浩然、洪永城等,噚晚應大台編劇陳寶華之邀,到將軍澳出席「港劇如何再創高峯?」講座,幾位藝員嘉賓逐一上台同陳寶華chit chat,同樣都係離開咗娘家又回巢嘅唐文龍,講述當年到北京發展嘅慘況,佢形容當時自己嘅境況係:「冇背景、冇單位、冇人脈,變咗無依無靠,乜都要靠自己。」

相關新聞:【名導教拍戲】當年用7部機拍劉德華被追殺 麥當傑:o依家科技唔同

陳寶華即笑話:「好彩我當時買咗層樓,唐文龍成日上嚟飲湯,嗰時你仲好口響話頭兩年一定要搵部戲嚟拍。」跟住佢笑住問唐文龍:「結果呢?」唐文龍個樣勁尷尬話:「我咪惟有吞番嗰句說話囉!」

繼而陳寶華就自誇如果喺大陸吃得開,如果寫咗部受歡迎嘅《榮歸》喇!呢套係由鄭少秋、歸亞蕾、曾寶儀等主演,為香港回歸10週年而製作,佢話:「我喺大陸寫咗個慶祝香港回歸劇《榮歸》,有次喺春茗上面,見到廣電總局局長,人哋將我介紹係《我本善良》嘅編劇,對方只係點點頭,再講我寫咗《榮歸》,對方即刻大讚題材貼地,佢個樣係由心笑出嚟,人哋好愛本地文化,香港就相反,唔夠齊心。」

相關新聞:【白老大變警察】王晶拍《衛斯理》被狠批 陳寶華:我覺得麻麻地

之後仲有洪永城、黃浩然上台分享,洪永城自爆當年由有線去到無綫拍劇,初時因為壓力太大,搞到甩髮。不過陳寶華就話睇好洪永城,大讚佢有喜感同節湊感。而洪永城之後接受訪問,講到甩髮問題,佢笑蹢:「咪M字額嗰時,適應咗之後,知道點減壓,冇睇醫生,只係問髮型師意見。」

另外,黃浩然上台分享時,陳寶華笑話:「第一次見佢係亞視年代,當時第一眼就覺得佢好似張國榮,點知佢一坐低,就話要做男主角,畀我嘅印象係『呢個死人靚仔』,之後惟有用戲去包裝佢演技,其實香港演員好多優勢,就係識執生。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載