蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月02日

【與有米大狀甩拖】越戀越富貴?陳庭欣戀上彩豐行老闆:我只係想低調

177,459
建立時間 (HKT): 0602 14:21

現年30歲,2010年港姐冠軍陳庭欣(Toby)入行8年,曾與香港先生翟威廉傳緋聞,拖拉5年都未有承認過戀情。至去年Toby暗認與擁半億身家「有米大狀」唐偉倫(Warren)拍拖,更曾被影到一齊去超市買餸返家玩煮飯仔。(相關新聞﹕ https://bit.ly/2EeMan9 )

正當大家以為Toby好事近,但原來數月前,佢同Warren已經分手,並極速戀上彩豐行老闆楊振源(Benny)。今日有報道指Toby承認佢同Benny喺兩年前一個晚宴上認識,但當時Toby已經有男友,直至最近回復單身,兩人就好快撻著,Toby更大讚對方為人細心,兩人溝通得好好。

其實Toby呢位新歡真係幾叻仔,白手興家。現年40歲嘅楊振源喺屋邨長大,會考得零分,但憑住楊媽打本幾萬蚊創業,搞咗個美容王國,喺港澳擁有十幾間門市,身家億億聲。優質筍盤當然有唔少靚女埋身,Benny曾經同孫慧雪傳緋聞,又曾與介入周永恒與趙頌茹婚姻嘅「小三」劉依靜拍拖。

問到係咪同Benny拍拖?陳庭欣今日回覆傳媒時話:「了解中。」同有米律師唐偉倫係咪正式分手?佢話﹕「過去嘅事情唔提啦,感情事繼續想低調,謝謝。」

對於被指越戀越富貴,可擔心畀人話係拜金女?Toby就話:「從來冇擔心過不實嘅寫法。之前傳媒寫嘅報道,我冇回應唔代表係事實同認同,我只係想低調,感情事跟自己父母同三隻雀仔交代就可以了。我會繼續用心做好自己工作,做好自己。」


精選娛聞,喺晒《娛果》:
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載