› 選擇地區
三藩市
紐約
洛杉磯
其他美國地區
香港 台灣 北美
 
2018年06月08日

【揭露瞞稅走資】馮小剛堅持拍續集 崔永元稍後有料爆:可能有人坐牢

崔永元稍後將有驚人爆料,不過佢未有透露內容。(資料圖片)
建立時間 (HKT): 0608 17:15

大陸搜尋網近日出現「崔永元」、「馮小剛」、「范冰冰」等名字!馮小剛近日捲入黑材料事件,不過佢堅持拍續拍《手機2》。

相關新聞:范冰冰現身賭城傳兌換$1億巨額籌碼

崔永元連日爆料,矛頭直指《手機》系列導演馮小剛。在風浪尖頭上,身在南京嘅馮小剛,繼續拍攝搞出今次事件嘅電影——《手機2》,並於微訊朋友圈出圖,圖力證工作未受影響。據知《手機2》已拍咗三分二,停拍機會不大。

崔永元今日稱稍後將有驚人爆料,足已令涉案人士坐牢,不過佢未有透露內容。據知,《手機2》將於明年農曆新年上映,崔稱,屆時電影做宣傳會,會再放材料。

相關新聞:崔遭恐嚇 黑材料隨時曝光

事緣就係因為馮小剛開拍電影《手機2》,據知當年拍第一套時,馮小剛邀前央視著名主持人崔永元到屋企作客,問及一啲有關做主持嘅細節,為電影做準備,當時馮導老婆徐帆更親自包餃子,席間崔永元仲俾咗一啲拍電影情節嘅想法,結果馮小剛將崔永元嘅事蹟用喺戲情中,仲編排《手機》男角色搞婚外情,將原本工作崗位讓俾第三者嘅情節。

崔永元因為《手機》受網民侮辱,受到輿論壓力,同時傷害到佢嘅家人,事後劇組向崔永元道歉,而馮小剛只解釋係同崔永元「開個玩笑」,點知對方「不上路」仲覺得好遺憾,事件不了了之,直至馮小剛開拍續集,崔永元曾問劇組編劇劉震雲,劉震雲當時指新作叫《朋友圈》,點知過幾日,崔永元先知原來戲名係叫《手機2》,崔永元本身患抑鬱症,對事件大受打擊,最終炮轟《手機2》導演馮小剛、《手機2》編劇劉震雲,同時爆有中港藝人簽「陰陽合同」,爆出「逃稅風波」,揭露中國瞞稅同走資問題,引發軒然大波,中央反腐敗協調小組國際追逃追贓工作辦公室,昨日公佈50名涉嫌職務犯罪和經濟犯罪的外逃人士的線索,當中包括快鹿集團前董事長施建祥,即《葉問3》的金主。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載