蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月10日

【接棒世盃節目】氣氛好隨時爆粗 杜汶澤︰粗口係反映粤語文化!

8,794
建立時間 (HKT): 0610 14:34

杜汶澤、黃心美、陳俞希(Hailey)同黃奕晨等,今日現身屯門為全新一輯《Good Night Show全民星戰》做宣傳,更邀請曾參與節目遊戲嘉賓吳浣儀、鄭麗莎同楊偲泳到現埸,試玩「拋繩球」遊戲。阿澤見心美是玩得之人,即大玩不文笑心美拋「啷啷」有一手,殊不知心美真的拋擇成功得分。活動尾聲,Hailey捧出心型蛋糕為6月8日生日的阿澤補祝,跟住全場超過三百人唱生日歌,阿澤笑指未試過這麼多人同自己慶祝。

肩負全新一輯主持,阿澤得知Hailey最怕佢鏡頭前爆粗,阿澤笑指錄影拍攝完全唔理會,最緊要現場氣氛好,「我以前喺電台做咗8年節目都冇試過出事,做live就唔會爆。」唔能夠爆粗會否好抑壓,佢話︰「呢個係咩年代,粗口係反映粤語文化,好似男性性器官都分別有三個字去代表,北方土語係無。」他認為自己有責任傳承下去。

太太田蕊妮將早前打爛嘅大阪電影節獎座修補好,送给他做生日禮物,阿澤笑說︰「我呢兩日諗,佢應該係首先打爛個獎,然後宜家再送番畀我,鋪排咗好耐,因為我哋結婚咁多年,有乜未送過,但佢都係好有心思。」阿澤又指一定係佢啲電影道具手足,才有本事去修補。

心美早前因為到新加坡拍劇兼到澳洲拍廣告,所以未有參與今輯錄影,主持重責交到好姊妹Hailey手中,Hailey指今輯邀請好多民間高手,讓嘉賓切磋交量,好多高手係深藏不露。世界盃即將開鑼,心美表示將忙於跟球迷睇波,她笑說︰「我唔識睇波,我只係識C朗,我都好擔心陪唔到男朋友,世界盃之後要分手。」旁邊Hailey指不用擔心,原來兩姊妹噚日去看鐵板神算,師傅指心美感情穩定,而Hailey明年會遇到對的人,兩姊妹亦差不多時間修成正果結婚。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載