蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月13日

【雙方認分手】新歡從事保險業 余香凝疑「偷食」 陳家樂落淚認情斷

674,341
建立時間 (HKT): 0613 23:29

31歲嘅陳家樂,前年同惠英紅合作嘅《幸運是我》演出精采,成為其代表作之一,早前更憑《逆緣》中「爺爺」一角人氣急升,順利「入屋」,不單曝光率激增,仲連其他生活(重點係感情生活)都備受關注。女友余香凝(Jennifer)一直陪佢捱過低潮,上緊位嘅家樂冇飛甩同甘共苦嘅女友,不止大方認愛,家樂仲話視對方係結婚對象,諗住一生一世一齊走下去咁話。

不過,今日就有周刊指兩人維持三年幾嘅感情生變,原因係女友另結新歡,同一保險業從業員男子Victor過從甚密,仲拍到Jennifer數次出入男方寓所留宿。周刊向陳家樂「突襲」求證,陳家樂深呼吸一口氣,示意不認識Victor,諗咗陣,陳家樂終於表示:「其實早前我同佢分咗手。」

陳家樂不欲多談,轉身想走,最後才應傳媒要求停低受訪。問到分手可是最近嘅事?陳家樂開始有淚意,表示係最近嘅事,已經冇再聯絡,又稱希望大家可以俾空間大家。

至於係邊個提出分手,陳家樂只表示係大家坐低傾出來的結果。記者再追問是否不願分手同難以接受時、以及Victor是否第三者,陳家樂已不斷索鼻想哭,未再回應,最後由助手陪同下離開。

Jennifer接受《蘋果》訪問時,直認分訊,她說:「我同家樂的確係分咗手,係大家雙方嘅決定,但當中絕對沒有第三者,報道中嘅Victor只是朋友,唔想令身邊人無辜受牽連。總之我現時係單身,俾啲時間空間我同家樂。」

陳家樂凌晨接受訪問亦表示希望大家都畀啲私人空間佢哋,他說:「我哋最近係分咗手。好希望大家都畀啲私人空間我同佢。佢係我最好嘅朋友,佢令我成長咗好多,我會祝福佢。我以後都唔想再講咁多感情事,希望大家關注多啲我嘅事業。」至於陳家樂經理人Mani則表示:「分手並不是一件不好的事。」

其實上月初,有讀者透過《爆相爆片》影到陳家樂帶埋女友見家長,當時家樂回覆《蘋果》稱Jennifer成日家人經常見面,雙親對女友印象好好,佢仲話自己:「屋企人覺得我冇乜自制能力,有Jennifer喺度就可以令到我成熟啲。」上月陳家樂受訪時,亦承認已買戒指送俾女友,依家就儲緊錢,實行置業大計。估唔到未宣佈婚訊,兩人已然分手。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載