蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月13日

【患難見真情】余香凝撞車 陳家樂曾承諾照顧女友下半生

267,241
建立時間 (HKT): 0613 23:52

10個鐘之前,余香凝(Jennifer)仲喺ig好開心咁貼圖,話:「事隔五年,我哋又返番嚟呢個地方同Yo姐慶祝生日。Umm我哋都冇老到呀呵?再過多五年再嚟呢到先。」hashtag生日快樂、早日添丁同俾我做契媽。

點估得到,原來Jennifer同陳家樂最近已低調分手,結束三年情。睇番兩人ig,仍互相follow對方。

有報道指係因為女方識咗從事保險業嘅新歡Victor,仲被拍到Jennifer出入男方寓所留宿。陳家樂接受周刊訪問時,落淚承認最近與Jennifer已分手,至於係邊個提出,陳家樂只稱「係大家坐低傾」。Jennifer晚上接受《蘋果》訪問時,亦承認:「我同家樂的確係分咗手,係大家雙方嘅決定,但當中絕對沒有第三者,報道中嘅Victor只是朋友,唔想令身邊人無辜受牽連。」又稱:「總之我現時係單身,俾啲時間空間我同家樂。」

陳家樂與Jennifer這一對,三年來經歷不少風雨。當女方憑電影《骨妹》入圍今屆金像獎最佳新演員開始冒起時,陳家樂仍在影圈掙扎中,代表作包括與惠英紅合拍電影《幸運是我》,以及電影《破風》等。

去年3月,Jennifer在吐露港公路近中文大學路段發生嚴重車禍,面部受傷,鼻骨爆裂,要到醫院接受治療。事發陳家樂都在場:「我做完嘢接佢收工,傾緊去邊度食嘢,突然間後面架車收唔切掣撞埋嚟,跟住推咗我架車埋壆,後面撞完到前面再撞,之後爆晒氣袋,嗰時都唔知發生乜事,大家都有幾秒冇咗意識!」他又謂擔心女友破相,更承諾會照顧她下半世:「呢段期間會搵去疤秘方。」

今年陳家樂拍《逆緣》彈出,兩人戀情更加公開,男方亦直認視Jennifer為結婚對象,戒指都買埋,希望可以一生一世走下去。可惜似乎暫未能如願。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載