蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月14日

【分手一個月】保險才俊只係生意夥伴 余香凝:冇諗住消費陳家樂

355,623
建立時間 (HKT): 0614 15:27

余香凝被爆疑偷食保險才俊Victor,跟陳家樂嘅3年多情玩完!今日余香凝素顏現身,着黑白「漢堡神偷」tee為偷食事件解畫。

一臉愁容嘅余香凝話:「知道好多人都好擔心,屋企人、同事,牽涉喺呢件事上嘅人,受影響嘅人,所有人都可能因為呢件事會瞓得唔好,我想同大家講,第一,我同家樂係分開咗差唔多一個月,我哋係有共識分開,我哋一齊咗幾年,總會有啲位意見不合,冇辦法去達成一個共識,最後係大家坐低慢慢傾,選擇分開。」

余香凝吸一啖氣:「我哋唔係有心去呃大家,因為我哋最近有好多工作,諗住所有工作完咗先同大家講,我冇諗住去消費佢嘅名嘅成份,第二,我係一個好獨立女仔,絕對唔係報道所講用佢錢、貪名牌,我一直以嚟自己搵錢,自己養屋企人,我同家樂係財政獨立。第三,我哋分手絕對唔牽涉第三者,我擔保絕對唔牽涉第三者,嗰位先生係我識咗好耐朋友,我同佢最近夾份搞一間食肆,亦有其他生意夥伴,每次開會唔係我哋兩個。」

佢再一次重申,自己最近工作好忙:「嚟緊我要去第二度做嘢,要離開香港一個月,舖頭月尾要開張,有好多嘢要處理,所以我選擇做完嘢就算幾夜都好,我都想配合佢哋去開會,上面有佢屋企人,有其他生意伙伴,所以絕對唔係得我哋兩個人,同埋我戥家樂成功好開心,所以希望大家畀空間我哋,專注事業發展。」

余香凝剛才就話同家樂分開差不多一個月,但係噚日家樂接受傳媒訪問時,就話自己同余香凝只係最近先分開,時間上看似有啲出入,又或者佢哋對時間上嘅睇法有差異。但可以睇到佢哋係有一個共識,就係佢話都承認分手前係有一齊坐低傾過。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載