蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月14日

【網上曾掀罵戰】吳建豪一個月兩寄離婚協議 石貞善結婚5年心死:決定結束痛苦

318,532
最後更新: 0614 22:24 / 建立時間 (HKT): 0614 17:39

【新增回應】

吳建豪和新加坡棕櫚油百億千金石貞善結婚5年,婚後1年就傳出婚姻亮紅燈。台灣《蘋果日報》今日報道,有知情者指兩人再陷婚姻危機,包括吳建豪連寄2封離婚協議書,但石貞善努力修補關係不果,最終決定離婚。知情者指吳建豪特殊節日不回家、與其他女生曖昧等等。

報道指,吳建豪同石貞善喺13年前就拍拖,但吳建豪多次偷食,兩人一度分手兩年,最後吳建豪回心轉意,稱已信基督教,石貞善先答應復合同結婚,但婚後吳建豪又同其他女性曖昧,先會出現一幕夫妻喺Ig互串事件。

據知,新加坡法律規定結婚3年內,冇特殊原因證明就唔可以離婚,就算過咗3年,仍需提出合理且雙方認可的理由才能離婚。有指,吳建豪一個多月前正式寄出離婚協議書,男方提出理由係:彼此已無共同生活逾3年,而石貞善覺得吳建豪冇講出真相,於是退回離婚協議書。

到一個星期前,吳建豪再度寄出離婚協議書,理由改成:老婆不支持他事業,興趣不相同等。知情者透露,石貞善曾自己掏腰包買機票陪吳建豪四圍飛工作,絕對支持丈夫事業,到兩人關係變差,唔知道對方行蹤,先變成冇辦法支持丈夫事業。知情者又指,石貞善每逢聖誕、新年等大節日,都會飛到台北陪吳建豪,反而係吳建豪唔見影,甚至情人節吳建豪要求夾口供,話兩人過節好恩愛。報道又指,石貞善因為等唔到老公,除咗帶狗散步,就只可以搵朋友,呢班朋友入面,的確係有柯震東等人,但知情者話石貞善拒絕晒所有男仔,從來冇越軌。

報道指,石貞善已經決定離婚,但唔會接受吳建豪嘅離婚協議書,會反寄一封新版離婚協議書俾吳建豪,理由係:吳建豪婚後仍愛玩,跟不少女生有曖昧聯絡,每次吵架,只想離婚,從未想努力解決。

石貞善回覆台灣《蘋果》時表示不願受訪,代表石貞善嘅律師就話:「我的當事者(石貞善)一直相信婚姻,但在吳建豪先生連續寄了2封離婚協議書後,她已無法選擇。她曾努力想經營婚姻關係,卻一直忍受在不愉快的生活中。她決定結束活在受傷與痛苦的生活而決定離婚。」

晚上吳建豪所屬嘅環球唱片代回應指:「婚姻是兩個人之間的事,非當事人的第三方不實說法,我方深表遺憾。盼各界給予他空間,也相信時間會證明一切。」


精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載