一連26場嘅黃子華棟篤笑告別作《金盆o浪口》今晚終於開騷，唔少fans今晚拎定飛排隊等入場，《蘋果》就搵咗幾個fans講吓對子華個騷嘅期望！
30歲梁先生：「我睇過黃子華楝篤笑有5、6次，唔會有特別期望，佢如果可以講返媲美90年代嘅內容就已經好OK、好足夠。話題最好講民生，都冇乜特別，佢所有嘢我都覺得好睇。」
30歲大孖徐小姐：「平時有睇子華騷，最想聽佢講有關香港社會嘅事情，近呢幾年香港政府變得好莫名奇妙，比較奇怪啲，無啦啦拉咗年輕人坐監，期望佢有呢啲話題。佢最後一個騷都可惜，但可以畀佢做吓其他嘢。」
30歲細孖徐小姐：「自己最有印象係子華講「無炭用」，有關沙士時嘅事情，我覺得好中point，我相信佢今日個騷會講番近呢幾年政府嘅嘢，可能有講黃絲帶同新政府或世界盃嘅嘢，所有話題都OK。」
30歲阿哲：「我從上海來，今次特登陪朋友嚟睇，2014年都曾經睇過黃子華在廣西的show。我經常來香港，（對於話題關於香港會唔會聽唔明白？）我都有留意香港的新聞及事情，最鍾意睇佢講有關兩岸的友好事情。」
精選娛聞，喺晒《娛果》
http://fb.com/appledailyent
