› 選擇地區
三藩市
紐約
洛杉磯
其他美國地區
香港 台灣 北美
 
2018年07月06日

【劇透慎入.超長文】王家衛.王晶.汪精衛 黃子華再自抽《一蚊雞保鑣》

(資料圖片)
建立時間 (HKT): 0706 22:05

「每個人走出嚟時好似喺毒氣室走出嚟,雙眼發紅,充滿仇恨,點解呢?因為冇人睇得明。」黃子華講緊嘅,係某位大導演嘅作品。

相關新聞:【子華開騷喇!】網民放黃牛飛手法層出不窮:因為佢有第三姐!

「係呀,大家嗰幾年入去戲院嘅感覺睇一次就好似係...好似睇住班友自由行咁,喂,睇住幾個大明星自由行,咁佢哋又唔係好似好知自己行去邊咁,得閒咪講吓嘢囉,我都冇見過咁口黑臉黑嘅女主角,然後好喇你係咁忍咗個幾兩個鐘,終於部旅遊車到喇,部車要開喇!套戲要開喇!又要等個嚮導。咁邊個做嚮導呀?嚮導終於出現喇喎,邊個做嚮導呀?二郎神!因為佢之前套戲冇出現過,係同套戲完全無關,佢好似係《封神榜》走過嚟咁,然後二郎神出現做咩呢?一上車、梳頭!梳完頭,落車,成套戲,完!」

「有齊大卡士大製作,出色嘅對白『冇雀嘅腳仔』,但係你就係唔知佢講乜鬼嘢。佢就好似生命嘅意義一樣,『你唔知佢係咩,你淨係知佢唔係咩』。佢唔係喜劇嚟嘅,又唔係動作片,都唔係愛情片,邊有愛情片個女主角由頭到尾咁口黑臉黑?」

相關新聞:【最後一次嗌回水】26場棟篤笑明晚開鑼 子華神溫提:十八禁!

「喂!你有二郎神出嚟梳頭呢套戲乜都唔係0架啦!都冇睇過一套咁嘅戲嘅!係囉,佢就係一套你從來冇睇過嘅戲,一套全新嘅電影。」

「以前嘅阿飛,會令你諗起麥基;呢套阿飛,會令你諗起『阿柏奇直升機』,唔係嗰個,佢係會好似同你講,『你想喺你嘅人生裡面飛呀?你可能會整死人哋、整死埋自己!』嘩好似有啲嘢咁喎。」

「佢仲好似講緊,呢個『阿飛』就係香港,由細到大就係冇阿媽o架,係第二個阿媽養o架咋,佢去尋阿媽呀!嘩,咁好多嘢喎,梗係好多嘢啦,拍咗成4,000萬,喺香港只係收得900萬。」

「喺嗰個年代,如果你有任何其中一個卡士,你都收幾千萬啦!畀晒你加埋係收咗900萬,所以當時我認識好多香港嘅電影人係好唔鍾意王家衛,我喺度諗,因為咩呢?因為佢蝕大本?唔係吖,小弟都拍咗套叫《一蚊雞保鑣》,好似收咗(子華自己都忍唔住笑)5位數字呀,你哋『撐』眼呀呢啲呢,夠畀o架喇,就你哋幾位睇咗啦可能係(指前排觀眾)但蝕大本都冇人憎我喎,起碼我唔知喺電影圈有人憎我,係我憎自己嘅啫。」

「咁我同王家衛最大分別係咩呢?好大分別呀大佬。我係收咗人哋嘅資本,我係想回本o架,我回唔到啫!咁呢個係觀眾嘅水平問題啦。但王家衛唔同喎,王家衛好似…好似佢唔係好想回本咁喎!喂你拍自由行就預咗冒險0架啦,你仲搵個二郎神做嚮導呀?你用咗人嘅資本,而你唔諗住回本,哦,呢個就係我哋香港資本主義嘅反骨仔!係jetso嘅無間道!」

「我識得有個朋友,叫做王晶,王晶係我前輩。晶哥,我諗佢唔係好鍾意王家衛,因為拍咗部戲,係搵我扮王家衛。」全場拍掌。「特登搵我嚟刺激佢0架啦擺到明。我係扮過麥當勞叔叔,我扮嗰期麥當勞啲薯條(銷量)都下跌。」

「咁呢,我喺王晶套戲裡面扮王家衛,咁我個名叫乜嘢呢?係叫做『王晶衛』。啲人就話,咁即係王晶,想笑王家衛。」

「我相信晶哥係睇得好通,大家諗下,王晶衛喎,王晶衛英文係乜?Wong ching Wai。中國近代史又有一個Wang Jing wei,汪精衛。中國第一漢奸,出賣中國。我哋呢個『王晶衛』出賣資本主義,要資本主義為電影服務,本末倒置喎,出賣jetso喎!喂,嗰個Wang Jing wei成為千古罪人,但我哋香港呢個Wong ching Wai,係一代宗師。」

「各位,90年代嘅香港,我哋係已經進化到有人會公然挑戰jetso嘅精神,jetso,有時唔係咁著數,有時要放棄表面嘅著數,先至係最jetso。」

【子華開騷喇!】網民放黃牛飛手法層出不窮:因為佢有第三姐! 【最後一次嗌回水】26場棟篤笑明晚開鑼 子華神溫提:十八禁! 【子華開騷喇!】《金盆o浪口》香港玩晒 藝人拉大隊頭場朝聖 【開場講黃藍之分】「梁振英係好嘢嚟嘅!」黃子華:冇得連任共產黨冇眼光 【黃子華開騷喇】告別作嘆可惜 Fans:所有話題都好睇 【劇透慎入】現場民調「暗角打鑊啱唔啱?」黃子華:歷代忠良係俾狗官迫害 【劇透慎入】見未來外母妙喻「佔中」 子華:我有兩樣嘅,愛、和平 【嚴禁黃牛】黃牛黨開騷後場外賣飛 紅館保安即趕 【劇透慎入】電影老闆10個有5個係幫會 子華:最危險嘅職業係影評人 【劇透慎入】要抄低!子華再講「回歸」:我哋唔係亡國,我哋係復國喎! 【劇透慎入】最懷念法治 黃子華回憶他的「黃金華」時代:點錯相! 【劇透慎入】「武」警抄牌被問候60次伯母 子華:想像下學堂訓練 【劇透慎入】哥哥阿倫令警察、黑社會撕裂 子華:關正傑好波... 【劇透慎入】馬雲打贏甄子丹「面斥不雅」 子華:下次一個人打復仇者聯盟 【劇透慎入】「香港嘅核心價值就係冇價值」 子華借題發揮:面斥不雅 【劇透慎入】喬裝者勿去靈堂 子華:瞻仰遺容嗰陣你個妝仲厚過佢 【最後一次棟篤笑】黃子華頭場完騷哽咽拭淚:想喺太平盛世做個小明星 【劇透慎入】(18禁)子華講陳冠希:你有婚前性行為,就唔可以做香港娛樂圈 【劇透慎入】(18禁)「閃卡」事件受害者變罪人 黃子華:陳冠希真係對我哋有恩 【劇透慎入】(18禁) 冇人敢為陳冠希平反 子華:邊個出嚟邊個就係變態嘛! 【金盆o浪口嚟啦】子華神今開騷 超蓮嗌除褲
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載