蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年07月12日

【「禿鷹」計春華離世】獲贈龍泉短劍 歐錦棠:佢啲功夫唔係得嗰樣

16,489
建立時間 (HKT): 0712 17:12
阿棠同計春華有師兄弟情誼。(互聯網圖片)

與李連杰同期出道、82年獲名導演張鑫炎賞識拍攝經典動作電影《少林寺》的大陸藝人計春華,昨日因為肺癌離世,終年56歲。計春華於《少》片中的角色「秃鷹」角色深入民心,84年計春華再與李連杰合作拍攝《少林小子》,另外他憑張藝謀執導演、鞏俐主演的電影《紅高粱》贏得「中國金牌反派明星」的稱號,亦都拍過港片《方世玉續集》、《洪熙官》。

計春華出身武術隊,與不少動作藝人有淵緣,包括醉心武術的歐錦棠,昨日阿棠在facebook發文悼念對方,阿棠話:「計春華師承智及大師,而智及與吾師趙從武曾是八拜之交」,所以兩人有師兄弟情誼。當年計春華在香港拍《少》片時,阿棠曾隨師傅去過清水灣片場宿舍探訪,當時就受過對方「沖泡阿華田」招呼,更專誠帶來整條金華火腿和一柄龍泉短劍相贈。最重要嘅係計春華不吝展示佢嘅金剛禪自然門功夫,令阿棠眼界大開。

阿棠指當年與師傅探班,見識到佛門真功夫:「嗰時靚仔一名,去到宿舍除咗計師兄仲有于海、于承惠幾位師傅。講真嗰時覺得大陸啲功夫流於花巧同表演,冇乜實則技擊能力。不過計師傳示範嘅外發氣功,改變咗我睇法。」阿棠憶述當時計師傅左手握拳,右手食中兩指成扣,離自己左手對上3吋左右游走,會見到佢右手有條紅痕出現,證明有外發氣功:「佢啲功夫唔係得嗰樣,真係打得。最欣賞係佢尊師重道,對我師傅尊敬有嘉,喺我哋呢輩人好緊要。」

另外,計春華遺體告別儀式將於明日上午8會喺杭州市殯儀館舉行。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載