蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年07月12日

【陽光氣息都係優勢嚟】滑水操靚對腳 陳瀅自認矮冇得行泳衣騷

14,277
攝影:葉君海
建立時間 (HKT): 0712 16:47

陳瀅同胡子彤今日喺尖沙嘴the one出席CORUM崑崙錶宣傳活動,現場一眾女模特兒以三點式泳衣上陣,陳瀅則以露肩裝現身,佢話:「近日成日都著泳衣,噚日先滑完水,覺得著泳衣係室內冇咁free,配合大自然陽光健康啲。」仲話入行以來都冇人搵過佢行泳衣show,陳瀅自嘲:「身材唔夠高,唔標準,心目中要好似victoria's secret嘅模特兒身形咁fit行騷先好睇,又矮又冇腹肌就唔好啦,如果有客要求我行泳衣騷我會考慮操腹肌,o依家都有一嚿跟咗我廿幾年。」

陳瀅近日熱愛滑水,可鍛煉股部及腿部線條,而每次出動均有人夫相伴,佢話:「例如賴慰玲老公,陳嘉寶老公等,全部都係好姊妹嘅另一半。」講到佢自己,佢就話:「之前去咗紐約、溫哥華等地方,都遇到外籍爛桃花,竟然有鬼仔追求,但係冇開花結果,因為我係香港人,佢哋一見鍾情,我個心都諗堅定流,自己唔相信,我覺得鬼妹索過我,可能o依家成熟咗,以前喺加拿大讀書時候都係得亞洲人追,可能當其時我皮膚較黑,又箍牙,又戴眼鏡。」

胡子彤積極備戰8月亞運會,未來又會開電影,工作和訓練儘量平衡,女友歐鎧淳身處高雄集訓個半月,因為對方同樣要出席亞運會,今個星期六歐鎧淳就會返香港,佢仲講笑話:「女友集訓好似去旅行咁,又行夜市,女仔有嘢食就開心,好期待今個星期見面,因為星期六係uncle生日,會趕去一齊慶祝食飯。」至於本身今日活動係由郭子豪出席,但因受傷由胡子彤頂上,佢話:「詳情我唔知,但大會係臨時搵我,大家都好熟,時間就到就過嚟。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載