蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年07月13日

【韓流】《金秘書》床戲留伏線 朴敘俊推倒朴敏英:今晚唔想嘥時間

15,614
建立時間 (HKT): 0713 10:41
下集先知雙朴有冇發展親密關係

由韓國男星朴敘俊同女星朴敏英合作嘅tvN人氣韓劇《金秘書為何那樣》,噚晚《金秘書》播出第12集,收視微跌至8.393%,但首都圈嘅收視就依然破10%。

承接上一集,朴敘俊因為擔心朴敏英記起兒時被誘拐真相而瞓不着時,就闖到朴敏英屋企要求二人一齊睡。朴敘俊去到朴敏英屋企,原本想浸浴來放鬆,點知朴敏英屋企太細,只好浸腳,最後因爲朴敏英張床太小,二人只好轉場去到朴敘俊間豪宅。

朴敏英主動話要瞓客房,但朴敘俊唔放心要睇住佢一齊瞓,為咗令朴敏英安心做睡寶寶,朴敘俊仲唱歌仔𠱁朴敏英瞓,認真sweet爆。

不過朴敘俊就冇覺好瞓,跟住仲語帶暗示話:「不過今晚我就冇辦法保證了。」返到公司後,朴敘俊父母嚟到,朴敘俊亦終於向父母坦白自己冇失憶,只是因為兒時哥哥李泰煥以為自己被誘拐而暴打朴敘俊,朴敘俊父母當時一度想送李泰煥入精神病院,朴敘俊為咗家庭而決定扮失憶,一家人先可以和平相處。

朴敘俊亦向李泰煥道歉,最後李泰煥決定返回法國。

朴敏英喺朴敘俊屋企陪住佢,兩人邊飲酒邊談心,朴敏英又安慰佢話至少大家都坦誠相對說出事實,朴敘俊就趁機話:「咁我現在能誠實就出來嗎?」跟住就好同朴敏英熱吻起來,仲好進擊咁推倒朴敏英到梳化上,並說:「今晚我唔想浪費了。」朴敘俊更慢慢解開朴敏英上衣嘅蝴蝶結及鈕釦......換言之編劇要吊大家癮,下次先揭曉兩人到底有冇發生親密關係。

精選韓流,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載