蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年07月29日

【吹雞要做大灣區人】肥媽:無論你鍾意唔鍾意,我哋中國就係要帶領呢個潮流!

58,829
資料圖片
建立時間 (HKT): 0729 14:50

肥媽瑪利亞,即Maria Cordero,係梁粉,呢一點,佢從來都唔掩飾。

而且,肥媽好愛國,率先搶做大灣區人,仲呼籲大家,早買早享受,早啲買大灣區嘅樓,否則,遲下擔心大家買唔到呀!
___________________

話說,日前肥媽出席咗個流動支付活動,自爆之前到粵港澳大灣區做節目《大灣區活好D》,仲喺當地用支付寶買樓。

當日報道重點,都係講肥媽嫌香港樓價貴、大灣區買樓平,退休後想搬上中山之類,其實佢有啲言論仲精采。

「我想同大家講,活在大灣區!」
「你生活嘅環境,你嘅使費,你去周邊食嘢,修甲dup骨,做乜嘢都好啦,個價錢係便宜咗。尤其是你有大灣區高鐵呢樣嘢,我係好贊成人哋去嗰度投資,因為我第日退休,我都會住大灣區。」
「我有六個仔女,十五個孫,我好坦白,我喺中山買咗樓,我就會返中山退休,我香港間屋就會租俾人,係咪?我哋要咁樣計數吖嘛!」
「我啲孫我啲仔女,我全部都叫佢哋,投資大灣區。點解呢?依家嗰度,你遲啲買唔到添呀!」
「呢個係我哋千載難逢嘅機會,當然,聰明嘅人會睇到佢係一個機會囉,有啲人就會覺得,『我唔鍾意!』周街有一千蚊你可以唔彎低去執嘅,啱唔啱?」
「身為一個中國人,你住喺邊一忽你都係中國人0架嘛,係咪?」
「依家全世界,無論你鍾意唔鍾意,我哋中國就係要帶領呢個潮流喇!」

___________________
係咪聽到熱血沸騰呢?

大陸樓宇/樓花「幾好都有」,仲有早排廣州因為水浸漏電,消息稱有人命傷亡……都未計大陸法律裡面有關業權條文嘅灰色地帶,大家又了解嗎?根據《物權法》第74條規定:「建築區劃內,規劃用於停放汽車的車位、車庫的歸屬,由當事人通過出售、附贈或者出租等方式約定。佔用業主共有的道路或者其他場地用於停放汽車的車位,屬於業主共有。」

車位可唔可以「投資」(炒賣)?有爭論空間。個車位,分分鐘唔係業主擁有,而係「共同擁有」,未來大灣區人,你知道嗎?

有份唱《共同家園》、唱好大灣區嘅一眾歌手,你哋又知道嗎……


相關報道:
【做「大灣區人」?】毋懼水浸去大灣區買車位 陳昭昭:買磚頭未蝕過
https://bit.ly/2K4U7fY

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載