› 選擇地區
三藩市
紐約
洛杉磯
其他美國地區
香港 台灣 北美
 
2018年07月30日

【紀念李小龍逝世45周年】對戰迷你版李小龍今井竜惺 元彪跪地求饒

元彪相隔20年再到日本做宣傳,開心收到影迷禮物。
建立時間 (HKT): 0730 17:37

元彪、香港陀飛輪萬希泉創辧人沈慧林(William)、Sarah Zhuang Jewellery創辦人莊莎娜(Sarah)、萬希泉日本董事中川煇等,噚日到日本東京出席萬希泉同李小龍會合作嘅新錶發佈會,紀念李小龍逝世45周年。William話:「第二次同李小龍會合作,繼續宣揚香港精神。今次會舉辦兩次發佈會,分別邀請元彪同甄子丹做嘉賓。」深見東州做東道主,夜晚請晒佢哋去食飯,順便為今個月上星期五61歲生日嘅元彪補祝生日,除咗安排富吉祥寓意嘅食物之外,仲親自畫咗富士山畫冊送畀元彪留念。

元彪着唐裝出席活動,仲同「迷你版李小龍」今井竜惺同台「交手」,擺出對戰姿勢,轉頭元彪向竜惺雙手合十,跪地求饒。元彪笑話:「一早喺網睇過佢啲短片,我覺得佢將來一定會成才,成為武術功夫界接班日本人。」原來元彪對上一次到日本出席公開活動已經係20年前,不過影迷依然冇忘記佢,其中一名fans親手畫咗幅結集佢曾經演出嘅角色畫作,令元彪好感動。

另外,元彪話籌備緊《七小福》電影,紀念下年《七小福》60周年:「其實我喺50周年嘅時候已經想拍呢部電影,同香港、中國,甚至全世界嘅人講我哋細個係點樣學功夫,點樣刻苦。叫小朋友唔好氣餒,要有信心同恆心。」而提到年輕時同李小龍合作嘅點滴,元彪話:「佢係我偶像,有機會同佢合作實在好榮幸,我同佢一齊合作最幸運嘅係,第一係企喺佢旁邊,第二係畀佢踢一腳,畀佢一腳打到飛起。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載