› 選擇地區
三藩市
紐約
洛杉磯
其他美國地區
香港 台灣 北美
 
2018年08月05日

【質素幾平均】落選港姐都參加 ViuTV《廣告女皇》過千人報名

攝影:陳俊強
建立時間 (HKT): 0805 17:10

ViuTV繼《Good Night Show全民造星》選男神之後,再舉行《Good Night Show廣告女皇》選囡囡,今日佢哋喺柴灣進行面試,監製楊任豪話收到過千份表格,呢3日會見大約300位面試者,而今日就見21個。有乜準則?楊任豪話:「要樣靚,同埋要有自己諗法,唔會好似選美得一個模式角度,今次有真人騷成份喺入面,最終會揀20個入圍,用3個月時間去打造廣告女皇。」

今日面試有兩位係落選港姐,會唔會面對鏡頭好啲?楊任豪就話:「最主要睇吓夠唔夠fresh。」監製話依家搵緊星級導師:「例如倪晨曦,佢做KOL做得好成功。」講到落選港姐21歲范莎莎同22歲陳曉婷,范莎莎係今年落選港姐,陳曉婷就係2016年落選港姐,佢哋兩個一齊接受傳媒訪問時話大家見面一拍即合,但當時大家都唔知對方係落選港姐,范莎莎話:「我唔講係怕得罪人,但我哋兩個都好想入行,見今次《廣告女皇》,所以好想用正途入行。」陳曉婷就話自己想拍廣告,覺得自己優勝之處係冇偶像包袱:「可以醜化自己,唔化妝都可以開live。」

今日21個女仔,除咗兩個落選港姐之外,仲有大台兒童節目《Think Big天地》主持李雯希、跳唱組合《星座少女》3位成員黃寶瑤、李善敏同易佩詩。講到21個女仔質素幾平均,但李雯希比較大份,其他比較細粒,而大部份女仔都曾經拍過廣告。其中張敏潔望落有啲似Stephy鄧麗欣,佢話:「都有人話我似,不過亦有人話我似2R嘅Race同張栢芝。」張敏潔拍過安信兄弟、同劉青雲拍過念慈菴廣告,又拍過陳慧琳《做自己的太陽》MV。

精選娛聞,喺晒《娛果》
http://fb.com/appledailyent

陳珮欣,24歲,由紐約返港,讀時裝設計,曾拍匯豐廣告 陳珮欣,24歲,由紐約返港,讀時裝設計,曾拍匯豐廣告 蘇楚欣,21歲,演藝學院學生,曾拍油站廣告、2013年英皇新秀比賽亞軍 蘇楚欣,21歲,演藝學院學生,曾拍油站廣告、2013年英皇新秀比賽亞軍 易佩詩,25歲,跳唱組合「星座少女」成員,佢指自己嘅酒窩最甜美 易佩詩,25歲,跳唱組合「星座少女」成員,佢指自己嘅酒窩最甜美
黃寶瑤,24歲,跳唱組合「星座少女」成員 黃寶瑤,24歲,跳唱組合「星座少女」成員 李善敏,24歲,跳唱組合「星座少女」成員,曾接觸幕後嘅工作。 李善敏,24歲,跳唱組合「星座少女」成員,曾接觸幕後嘅工作。 沈靖希,20歲,冇乜拍廣告,想挑戰自己。 沈靖希,20歲,冇乜拍廣告,想挑戰自己。
陳曉婷(左)22歲,16年落選港姐。
范莎莎(右)21歲,18年落選港姐。 陳曉婷(左)22歲,16年落選港姐。 范莎莎(右)21歲,18年落選港姐。 孔瑞婷,20歲,浸會大學傳理系學生,佢認為青春應該要燃燒,做人要有目標。 孔瑞婷,20歲,浸會大學傳理系學生,佢認為青春應該要燃燒,做人要有目標。 李曉鏵,18歲,放榜後好迷惘,,發現呢個比賽,於是報名,優勝之處係176身高。 李曉鏵,18歲,放榜後好迷惘,,發現呢個比賽,於是報名,優勝之處係176身高。
毛宣霖,25歲,任職新娘化妝師及演員。 毛宣霖,25歲,任職新娘化妝師及演員。 劉思琦,24歲,佢希望自己影嘅相、拍嘅廣告可以影響及感染到其他人。 劉思琦,24歲,佢希望自己影嘅相、拍嘅廣告可以影響及感染到其他人。 張敏潔,27歲,鍾意做運動,曾拍多個廣告。 張敏潔,27歲,鍾意做運動,曾拍多個廣告。
劉芷盈,27歲,現任羽毛球教練,以前曾是港青代表。 劉芷盈,27歲,現任羽毛球教練,以前曾是港青代表。 劉展翹,24歲,拍過港台節目。 劉展翹,24歲,拍過港台節目。 李雯希,27歲,TVB主持,現已約滿,佢指自己最叻係寫洗腦歌。 李雯希,27歲,TVB主持,現已約滿,佢指自己最叻係寫洗腦歌。
陳玥熺,26歲,澳洲同北京讀過書,曾參與一啲短片拍攝 陳玥熺,26歲,澳洲同北京讀過書,曾參與一啲短片拍攝 梁倬菲,26歲,哥倫比亞混血兒,全職模特兒 梁倬菲,26歲,哥倫比亞混血兒,全職模特兒 李莉,27歲,喺香港教育大學畢業,主修體育,現時喺now Sport擔任體育節目主持。 李莉,27歲,喺香港教育大學畢業,主修體育,現時喺now Sport擔任體育節目主持。
李文意,27歲,讀電影出身,曾拍港台《沒有牆的世界》 李文意,27歲,讀電影出身,曾拍港台《沒有牆的世界》 陳詠鈺,28歲,任職演員,曾拍電影、劇集,包括《青春戰記》、杜琪峯嘅《追夢男女》 陳詠鈺,28歲,任職演員,曾拍電影、劇集,包括《青春戰記》、杜琪峯嘅《追夢男女》
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載