蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月10日

【呢個阿媽好激動】睇完童童作品 王菲high到爭啲拍甩李嫣頂帽

158,912
建立時間 (HKT): 0810 23:27

大家期待咗好耐、王菲同竇靖童及李嫣同台嘅《幻樂之城》終於播出,雖然之前喺預告片中,一向Cool爆嘅阿菲對住童童同李嫣好熱情哋攬到實一實,當大家以為只可以睇到阿菲母愛嘅一面?唔止呀,今晚仲睇到阿菲超激動嘅一面,就連童童都話未見過阿媽咁嘅樣!

事緣當阿菲睇完阿女竇靖童嘅演出後,就已經表演得好high,未開始講感受前,專誠到場支持家姐嘅李嫣就上台,阿菲先攬完兩個女互攬後,再一手拉埋幫童童做導演嘅麥子嚟個四人抱抱,而呢刻阿菲就high到係咁拍細女李嫣個頭,不過佢似乎唔記得李嫣有戴帽,仲幾乎拍甩李嫣頂帽,搞到一攬完後李嫣頗尷尬地整返好頂帽。

夠激動未?未呀,當李嫣落咗台之後,已經變成火山嘅阿菲就爆發喇,對於童童今次嘅演出,阿菲好用力(冇錯,真係用力o架)地話:「我是非常滿意的!」就連喺台上嘅阿菲好朋友陶晶瑩,亦忍唔住話好少見到阿菲咁激動,之後阿菲就開始一輪嘴(真係一輪嘴)大讚童童嘅作品:「我覺得它的命題有點深刻,其實每一個人,最難玩的遊戲,就是你們自己的人生...(下刪300字)」

正當以為阿菲講完嘅時候,阿菲即跳住話:「還有,我沒說完,我很激動...我覺得麥子非常厲害,這個影像的呈現上非常完美,我覺得這個是我們《幻樂之城》有史以來,最點題的一個作品。」

阿菲越講越激動,連主持何炅都忍唔住叫阿菲:「冷靜一點」,阿菲跟住越講越大聲:「不是,我非常冷靜,我也非常客觀,不是因為她是誰的誰...」跟住台上就開始起哄,阿菲表現亦越嚟越激動咁話:「先讓我說完,竇小姐說唱的時間,稍微有點生硬語氣,但一唱起來就沒問題了...然後,竇小姐,好怪,大姐...」睇見阿媽咁激動,就連童童都話從來冇見過阿媽呢一面。

唔好話你啦童童,我諗全香港人都未見過王菲咁嘅一面呀!

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載