蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月11日

【兄弟出發!】嘉穎Grace雙喜臨門? 黃智賢﹕你哋自己睇啦

368,181
建立時間 (HKT): 0811 10:15

即將踏入49歲嘅鄭嘉穎明日將迎娶27歲嘅陳凱琳(Grace),Grace嘅父母噚日已率先出發飛往峇里準備婚禮,絕對係娛樂圈一大喜事!

嘉穎同Grace一班兄弟姊妹今早陸續到機場,準備參與這場開心婚禮。《鐵馬尋橋》幾位兄弟馬國明、唐詩詠、黃嘉樂與女友,仲有黃智賢一齊影大合照,獨欠林子善就係另一邊閘口入閘,亦冇停低接受訪問,唔知係咪因為上次嘉穎未公佈結婚,子善唔小心衝口而出話「會出席」,因為而被鬧,所以今日就選擇封口,乜都唔講。

問到有乜任務?黃智賢笑笑口話﹕「冇乜呀,最重要都係擔擔抬抬,飲飲食食啦。(覺唔覺Grace有咗?)你哋自己睇啦,如果係佢哋都有公佈。」詩詠都話冇特別過問,由於嘉穎佢哋想低調,所以乜都唔敢問,詩詠話﹕「只知時間同地點,好保密,要去到先知發生咩事,我哋個個都要開工,第二日就走,留兩日一夜。送乜禮物?)返香港先送,費事拎來拎去。」詩詠透露有帶泳衣準備游水,但就唔知有冇人幫佢影相。問到會唔會搶花球?佢就即係推俾嘉樂話﹕「都好喎,不如你先啦,嘉樂。」而嘉樂就表現得好怕羞,話未同女友求婚,會唔會擔心地震?佢話﹕「地殼能量發咗,應該冇咁快釋放。」

馬國明被問會否取經,為未來娶心穎BB做準備?佢就拉開話題﹕「我未去過呢度旅行,第一次,睇吓遲啲帶屋企人去。」

精選娛聞,喺晒《娛果》 http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載