蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月15日

【這就是中國.jpg 】「不許魏瓔珞太厲害」《延禧攻略》傳刪宮鬥戲

271,407
最後更新: 0815 23:51 / 建立時間 (HKT): 0815 23:10

無綫劇一片不濟,依家大家講得最興奮嘅,係《延禧攻略》。大陸劇,卡士除有大家熟悉嘅佘詩曼,仲有秦嵐——曾拍《還珠格格Ⅲ》、《我和殭屍有個約會》,仲曾經同黃曉明拍過拖……不過,呢啲都係乾隆皇咁耐嘅事。

相關新聞:【不忿被稱第三者】秦嵐拍《還珠3》犯眾憎 自嘲八字眉:跟鴨子一樣醜

有關故事人物同劇情簡介,可以參考維基,人物簡介部份仲有交代埋劇情,例如吳謹言飾演嘅魏瓔珞何時獲冊封為令妃、秦嵐飾演嘅皇后下場又係點等等……唔想被劇透就要小心。

依家大陸播到近五十集,全劇共七十集,即係播咗一半以上。但係有一個角色,到依家仍未出場,佢就係被形容為「後宮最美妃子」——容妃,遲遲未登場。前日仲傳出戲份幾乎被刪晒。

相關新聞:【禁提章子怡】《延禧攻略》倒轉拍 做完貴妃再演宮女 魏瓔珞擔正要剃眉

容妃,即係《還珠格格II》隱形女主角香妃——含香,《延禧攻略》版本那位是「外白裡黑」,貌若仙女,手段高超。但到依家點解仍未出場呢?日前網上就流傳一張cap圖,聲稱係《延禧攻略》製作人于正回覆嘅截圖,話:「容妃基本剪乾淨了,剩餘一點點改名順嬪。」

「于正」仲話:「令妃厲害的地方剪了,不允許她太厲害。」原本容妃和令妃交手令人期待,cut晒,咁有乜嘢好睇?

如果真係Cut晒,難免令人聯想到禁播宮鬥劇事件有關。一來,散佈負能量,二來,教壞人呀。不少觀眾都視《延禧攻略》為辦/扮工室攻略。用喺公司就話小事啫,一陣俾「別有用心」嘅人學咗,咁點算呀。

講番轉頭,「容妃」張嘉倪日前就喺微博話:「別急,我下周上線呢。」《蘋果》致電向于正求證,于正即Cut線,之後仲閂埋機…。

仲有就係,睇咗《延禧攻略》原裝版嘅你,是否覺得啲配樂好耳熟?試下重溫佘詩曼舊作《金枝慾孽》,一聽就明。如果大家仲記得《金枝》嘅配樂,且聽下呢首:  https://goo.gl/quvEFg

仲有仲有,第二男主角傅恒——飾演者許凱,今日俾大陸網民喺一個商場野生捕獲。現年23歲嘅佢,模特兒出身,紅咗之後,被揭番之前不堪嘅情史——大陸網紅舊愛大金突然爆料,稱遭許凱家暴,跟手仲有好多網民向大金爆料,聲稱自己都試過俾許凱flirt過!仲有朋友公開聲聲稱女友被打傷嘅相,女方左眼角瘀晒,左邊面珠都腫晒。

事後許凱在微博表示:「很多男生年輕的時候在感情世界裡都是混蛋。別人我不清楚,我的確是」,但佢澄清冇郁手:「我做錯的每件事兒,我都承認。有爭吵,有推搡(連續不斷的推),有撕扯,不是家暴。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載