› 選擇地區
三藩市
紐約
洛杉磯
其他美國地區
香港 台灣 北美
 
2018年08月30日

【成員無可替代】《可一可再》重現Ellen笑臉 陳奕迅:我好掛住佢

建立時間 (HKT): 0830 19:55

籌備六年,陳奕迅(Eason)嘅全新廣東大碟《L.O.V.E.》即將面世,剛剛推出咗新歌《可一可再》嘅Eason,今日就喺銅鑼灣開facebook live同樂迷分享呢張碟嘅製作經過,Eason話唱片其實已經製作完成,影好封面,MV亦陸續推出緊,由錄第一首歌到最後完成足足六年,嚟緊亦會有呢張唱片嘅演唱會會舉行,到時全體DUO band都會一齊再度演出。

Eason喺live之後再接受傳媒訪問,講到DUO band再度演出,但成員之一嘅盧凱彤(阿妹)今個月初墮樓身亡,少咗一位成員,Eason話:「呢個都係一個問題,佢唔喺度我唔可以搵第二個去替佢,唔通搵林二汶?咁樣對大家都唔公平,但我好慶幸我哋曾經一齊做過呢件事,佢彈嘅聲音永遠都留低喺度,我哋錄起咗,或者到時演唱會上照播我哋跟住彈。」

喺Eason嘅《可一可再》MV入面,見到阿妹都參與其中,佢話:「早喺六月MV出街前,我叫阿妹上我Office一齊睇呢個MV,當時佢有提出少少意見,好彩有畀佢親眼過目,MV最後有跟足佢意思做咗少少修改,雖然佢走咗但我好掛住佢,呢個係佢帶畀大家嘅作品。」Eason又透露原本MV係八月推出,但因為阿妹所以延遲到早前先公開,佢話:「我覺得o依家呢個時間合適,嚟緊仲有一個未出街嘅MV都有阿妹參與。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載