蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月30日

【十幾年冇搭啫…】地鐵不同站有唔同色 劉德華感新奇狂影俾老婆睇

67,222
建立時間 (HKT): 0830 21:00

電影《掃毒2天地對決》今晚喺尖沙嘴香港酒店舉行煞科宴,出席除咗導演邱禮濤、劉德華,還有古天樂、三哥苗僑偉、林嘉欣、鄭則仕、張國強及區瑞偉等。

儀式開始前,眾人喺台上傾偈,華仔提到三哥去地鐵站實景拍攝,而自己則喺搭出嚟嘅場景度拍,華仔去探完三哥班後就話:「我十幾年冇搭過地鐵,今次去地鐵站先知,原來唔同地鐵站有唔同顏色,我不嬲都唔知,去到覺得好新奇,周圍影相攞番屋企俾人睇演。」

林嘉欣就表示今次拍完後,導演都冇嗌cut機:「因為導演話好想睇我哋做戲,今次第一次同華仔夫妻檔,好有夫妻嘅感覺,我覺得好奇怪嘅係第一日拍最慘嘅戲,拍完後轉頭又拍好sweet嘅。」華仔即話:「係呀,嘉欣都有問我『你哋平時拍戲都係咁o架?』,我就話『係呀,一日拍晒喜怒哀樂、日出日落一日搞掂』。」

之後再講今次飾演一對夫妻,嘉欣笑說:「第一次同華仔合作,好開心仲可以做佢老婆。」至於親熱戲,華仔話:「我哋呢啲戲,叻得去邊吖?都係都係生活上甜蜜,都幾真實。」嘉欣之後自爆將第一次獻咗俾華仔:「今次係我戲裏戲外第一次着婚紗,因為自己結婚時都冇着,着嘅時有啲怕醜。」

至於台上笑指喺戲內鬧到三哥冇得還擊嘅古仔,佢話今次喺戲中飾演大反派,仲表示戲中有好多槍戰,仲有揸車俾火車撞嘅場面,而三哥都話自己銀好多槍戰同動作場面:「好多都係自己做番,只係較高難度嘅動作,好似喺6樓跳落嚟、打筋斗就由替身做。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載