蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月05日

實習生時裝騷初體驗 我在Moiselle的日子

71,218
建立時間 (HKT): 0905 00:00

一個時裝騷,模特兒穿新裝在賓客前來回穿梭,全程才17分鐘,但背後團隊付出幾多,沒有真正參與過的人是無法估計的。為此,Nana獲安排當Moiselle的見習生,從中體驗一個大型時裝騷是怎樣籌備出來。

Day 1:場景視察
Nana首天上班便接獲一份「員工守則」,內裏列出19項規條,其中包括「樣子不用漂亮,但要有自知之名」、「如身上有異味請立刻請假」、「粉底要對色」、「眉毛不能過長」,明顯這份職業非常要求個人儀容。熟習了工作環境後,Nana便被派往機場做實地考察。今次Moiselle時裝騷的主題為「Stop the Air Traffic」,顧名思義在香港國際機場舉行,Nana負責跟production team配合,更首次接觸Moiselle的創作總監Harris。Nana說:「通常我啲朋友做實習都係喺office度hea,冇諗過第一日就即刻見到老細。」問到Harris對Nana的印象如何,他說;「幾開心吖,我覺得正面。圍繞住正面嘅員工係幾重要,因為好多時好多細節嘢都好煩,突如其來嘅嘢好多。」

Day 2:模特兒試裝
這天來到模特兒試裝,起初Nana以為比較簡單,誰知原來有很多細節要記低,加上幾十個模特兒擠在一起,並要在三小時內試穿近百套服裝,單是整理飾物配件已經令她相當頭痕。由於現場氣氛緊張,加上有不少甩漏情況,Harris這天換了一條紅色手環,根據「員工守則」,那代表着「不要騷擾」。可是Nana未有為意,還斗膽問他要不要咖啡。事後問Harris可有感到被對方打擾思路,他笑說:「唔知點解我戴咗紅色手環後,心情又好番啲。佢可能有犯規,不過我冇理佢。」

Day 3:員工大會
距離時裝騷還有三天,一切已經準備得七七八八,但還要應付一大難題,就是天氣。根據天文台預測,時裝騷舉行當天會有狂風暴雨,加上那裏位置空曠,增添佈置場地的難度。Nana這天被召回公司,跟近半百員工坐在一起,只見眾人神情嚴肅,便知有大事發生。原來是時裝騷舉行前的簡報,Harris跟同事商討了當日下雨的安排,如準備雨傘、雨衣斗篷等,以確保當日不會發生混亂。Nana說:「之前最擔心係落雨嘅問題,原來Harris已經諗晒backup plan,所以個心定咗好多。」

Day 4:時裝騷舉行
終於來到時裝騷舉行當天,眾人一早抵達現場佈置,由於前晚橫風橫雨,令佈置進度比預期落後,情況非常險峻。猶幸天公造美,在時裝騷舉行前一刻停雨,令整個活動得以圓滿。Nana說:「好緊張呀,17分鐘原來做咗好多好多嘢,尤其係backstage嘅時候,又要執呢樣嗰樣。」Harris十分滿意Nana表現:「我覺得佢比第一日淡定好多,我估佢都係有一份熱誠喺度。」他寄語年輕人應主動多作嘗試,以及珍惜每個機會,那麼任何一份職業都能發揮所長。

採訪:馮國康、倩宜、Sapna
攝錄:Neo、馮峰、Dominic、Teddy
攝影:陳慧安、仇志德、陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載