› 選擇地區
三藩市
紐約
洛杉磯
其他美國地區
香港 台灣 北美
 
2018年09月06日

【同性戀者,請舉手】藍奕邦千字文質問Eric Kwok:你覺得呢啲嘢好有趣

建立時間 (HKT): 0906 23:08

Eric Kwok 因為喺網上貼出ViuTV《全民造星》節目相,同時又以“Raise ur hand if you are not gay!"(如果你不是同性戀者,請舉手)問參賽者,搞到被圍插,就連「關懷愛滋 AIDS Concern」嘅fb都發聲明回應,搞到Eric Kwok即時删post兼道歉。(相關新聞: https://bit.ly/2oMrlc0 )

一直關注性小眾社群嘅藍奕邦,身在外地都忍不住於網上發千字文質問Eric Kwok,藍奕邦以英文撰寫公開信,長達四頁紙,信中開首佢就話今次咁認真寫公開信,係因為覺得Eric唔係口快快,而係慣犯。藍奕邦講番之前同佢合作,平時單獨談話好地地,但一有其他人,或者傳媒在場時,就開始喺藍奕邦面前講啲取笑佢嘅同性戀笑話,一啲就算係藍奕邦密友都唔會公開講嘅說話。

藍奕邦再說,起初都冇乜為意,但Eric三番四次咁講,慢慢覺得係有敵意,覺得被欺凌。信中藍奕邦指「自己百思不得其解,點解Eric成日咁做?點解成日對住我咁做?佢討厭我?佢恐同?定佢覺得同性戀好得意?佢同其他人係咪都係咁講嘢?我曾經做錯嘢得罪佢?」之後,藍奕邦話自己全冇頭緒,慢慢開始怕同Eric合作。

信中藍奕邦問Eric:「點解你咁關注我嘅性取向?點解你咁留意別人嘅性取向?點解同性戀係咁大件事令你要第一句就問班參賽者?最重要係,點解你覺得呢啲嘢好有趣?」藍奕邦再話覺得迫人哋出櫃,行為邪惡。」

大愛同盟成員兼DJ梁兆輝亦有轉貼藍奕邦嘅文章,並謂:「原來不是無心之失,而是repeat offender。就近日郭偉亮被(備)受抨擊的網上言論,藍奕邦寫了一封給Eric Kwok的公開信,內容談及恐同意識、性向歧視和欺凌,更分享過往跟Eric Kwok交往時,屢遭對方欺凌的個人經驗。」

藍奕邦文章連結:
http://bit.ly/2oKzIV9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載