蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月08日

【強調不恐同】林作質疑藍奕邦:彷彿全世界就是要為難他們

50,087
建立時間 (HKT): 0908 12:03

Eric Kwok 因為喺網上貼出ViuTV《全民造星》節目相,同時又以“Raise ur hand if you are not gay!"(如果你不是同性戀者,請舉手)問參賽者,搞到被圍插,就連「關懷愛滋 AIDS Concern」嘅fb都發聲明回應,搞到Eric Kwok即時删post兼道歉。(相關新聞: https://bit.ly/2oMrlc0 )其後藍奕邦都有發千字文質問Eric Kwok。(相關新聞: https://bit.ly/2M9K0HC )

相關新聞:【同任《巨聲》評判】Eric Kwok當眾叫男參賽者提防藍奕邦:小心佢帶你返屋企

噚晚林作都有喺佢嘅facebook專頁,為呢一件事表態,佢話:「首先,我並不恐同。不過,也有點話想說。我覺得部份同性戀者對於涉及性向的話題都太敏感。彷彿全世界就是要為難他們。真心覺得Eric Kwok的那句開場白只是搞氣氛,that's a show.」

「至於說他經常拿別人性向開玩笑,於是說他是恐同,歧視同性戀,也就有點太過。其實就只是玩笑而已。異性戀也有很多好笑的地方,最好笑的笑話都不外乎關於性,但幾乎沒有異性戀者會投訴別人的玩笑是歧視,是因為同性戀者都覺得自己是少數所以覺得被迫害嗎?同性戀異性戀雙性戀其實都沒有特別,沒有正常不正常。人總是首先歧視自己,然後投放在別人身上,簡稱對號入座。遇上不懂應對的問題,笑笑就是了,何必認真?」

有網民就認為:「你話同性戀者對性向話題太過敏感。hmm 理所當然0架喎。你試下你一生人因為性向問題比人剝削,歧視,欺凌,你都敏感啦下嘛?!你不如話佢哋每年去遊行又係太過敏感彷彿全世界都要逼害佢地。世界上有歧視係千真萬確,乜嘢太敏感呢。說到底,係有些異性戀者自大專制,繼續漠視同忽略同性戀者處於弱勢所產生出的敏感,更加專制地要同性戀者無限量寬容去接受你們自以為沒傷害性的笑話。」

「其實直人不斷講gay jokes, 有意無意用啲極度stereotyping嘅角度取笑同性戀者,係threaten緊佢哋嘅公共空間。Laughing at同laughing with 一個人係有分別嘅,你講完個笑話對方覺得好難受,你個反應應該係道歉唔係話人太敏感。人哋死老竇,你講個死老竇笑話人哋笑唔出覺得好hurt,係你唔夠敏感定人哋太敏感呀?」

其實睇下留言,已經很清楚。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載