› 選擇地區
三藩市
紐約
洛杉磯
其他美國地區
香港 台灣 北美
 
2018年09月08日

【同任《巨聲》評判】Eric Kwok當眾叫男參賽者提防藍奕邦:小心佢帶你返屋企

(資料圖片)
建立時間 (HKT): 0908 18:41

藍奕邦撰千字文,指多年來娛圈中人喜歡取笑同性戀,而自稱不恐同的郭偉亮(Eric Kwok)卻要求《全民造星》參賽者公開性取向,藍奕邦形容此舉實形同迫人出櫃:「Kicking someone out of the closet is just pure evil.」(迫人出櫃簡直係惡魔)又直指Eric Kwok是「標籤」和「突出」同性戀者。

相關新聞:【強調不恐同】林作質疑藍奕邦:彷彿全世界就是要為難他們

藍奕邦喺長文中,揶揄Eric言論並非口直心快,而是「慣犯」,又重提以前跟Eric合作,單獨談話時是正常,但當有其他人或傳媒在場,對方會在藍奕邦面前講取笑他是同性戀的笑話。藍奕邦稱最初不以為然,但當Eric三番四次重複同樣說話,令他覺得對方存有敵意:「自己百思不得其解,點解Eric成日咁做?點解成日對住我咁做?佢討厭我?佢恐同?定佢覺得同性戀好得意?」(相關新聞: https://bit.ly/2QfcSSf )

被藍奕邦稱為「慣犯」的Eric Kwok,於09年與藍奕邦為無綫節目《超級巨聲》擔任評判時,就曾發生類似事件。事有湊巧,劉美君亦是評判之一。

事緣一次《巨聲》進行復活戰錄影,當晚評判有陳潔靈、藍奕邦、趙增熹、Joey Tang及Eric Kwok。平時愛與藍奕邦唱反調的Eric Kwok,俾意見參賽者林志程時,卻當眾踢爆藍奕邦性取向,仲叫參賽者小心藍奕邦會帶佢返屋企。

事發時,參加復活戰嘅林志程唱完《Loving You》,藍奕邦就狠批佢唱得唔夠到肉:「你依家好似癲佬喺度示愛咁,呢首歌係講帶人返屋企『咩』(指做愛)㗎嘛!」他批評林志程唱法似「趕住走」咁,Eric Kwok接口道:「我都覺得你(林志程)好似咩完趕住走咁!哈!你小心佢(指藍奕邦)今晚帶你返屋企呀!」藍奕邦聞言即黑面,之後兩人全冇交流。

藍奕邦同Eric Kwok都係音樂人,私底下亦曾合作,Eric Kwok因為年資歷比藍奕邦高,所以佢喺藍奕邦面前會當正自己係大佬,不時當眾窒佢。雖然事後有記者問番呢件事,但藍奕邦就以「唔記得、亦冇擺喺心」做回應。

對於今次藍奕邦寫呢段千字文,相信都關呢一段經歷事喇,而主角之一嘅Eric Kwok就唔似第一次俾人鬧咁即時删post兼回應,反而選擇唔理、唔回應,事隔一日後只係update咗老婆葉佩雯嘅咀狗相,對於藍奕邦嘅千字文,佢就一粒字都冇提過。


精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載