蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月12日

【仔女日日新鮮日日甘】三仔女讀三間學校 陳茵媺每日走六轉

190,251
建立時間 (HKT): 0912 18:10

陳豪同陳智燊(Jason)兩位型爸,今日以嘉賓身份去出席馬鞍山新港城中心全新命名活動,陳豪分享咖啡心得,又同Jason一齊為小朋友設計造型。陳豪喺台上分享話:「原來父母真係會為咗仔女返學而搬屋,o依家自己忙住做湊仔公,同埋咖啡生意,湊仔冇乜特別方法,最主要係珍惜同仔女相處嘅時間,幫佢沖涼,照顧吓佢哋。」

陳豪又打趣謂:「佢哋日日新鮮日日甘,不過就算攬吓錫吓都好開心,生完仔已經好開心,生咗個女之後仲更加冧,但係我好公平,三個都咁錫唔會偏心。個女扮靚唔使我操心,因為佢好貪靚,會同媽咪搞掂。我最多幫兩個仔剪頭髮,到o依家都係我幫佢哋剪頭髮。」

陳豪為咗三個小朋友返學,特登由大埔搬到港島區:「之前住大埔,佢哋喺中環返學,三個分別讀三間學校,每日走六轉,揸車非常之攰,小朋友同大人都花咗好多時間喺車程上面,小朋友同太太都辛苦,o依家三個都喺中環讀書,慳咗好多時間。」

「搬屋唔係錢嘅問題,時間最寶貴,o依家三個都好適應,大仔真正學到嘢。」陳豪話好期待子女讀埋同一間學校,咁太太陳茵媺就冇咁辛苦。

陳豪下月就要去台灣拍攝新劇《殺手》,佢話到要靠老婆照顧小朋友,屆時會否請假返港同小朋友相聚?陳豪話:「唔敢諗,希望到時可以全家過嚟搵我玩一、兩日,聽到都好開心,不過好似打仗咁。」

另外,Jason啱啱做咗老竇兩星期(新聞連結: https://bit.ly/2NAVGrX ),佢話每日收工即刻返屋企或者係去買BB嘢,好開心好充實。「都有試過幫BB沖涼,不過就好驚,聽到佢喊都唔會厭倦,因為自己嘅小朋友。生BB之前,陳豪話盡量拍拖同埋瞓覺,o依家終於明白,冇覺好瞓。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載