蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月12日

【食感光植物會變黑?】37歲秦嵐授護膚之道:唔食芫荽.日飲酸奶

188,553
建立時間 (HKT): 0912 21:30

37歲的秦嵐,保養得宜,特別係佢噚日抵港時,大家冷不防雍容華貴的富察皇后竟然來一招露長腿,皮膚白皙,令人嘖嘖稱奇。

傳媒問皇后護膚之道,佢就話:「我每天也會敷mask,做運動,不吃煎炸食物。」今日秦嵐現身出席化妝品牌活動,一身黑與雪白皮膚成強烈反差,於是大家再追問護膚秘方。

秦嵐就話喇:「飲食很注意,我基本譬如說香菜(如芫荽)就很少吃,(少吃)感光植物,然後經常要讓自己吃一些更健康的東西,譬如說每天會有酸奶牛奶攝入,堅持運動。」

「我覺得好的身材一定不會是在懶人身上的,一定要勤奮。然後我基本每天是敷兩片臉膜,早晚各一片,因為有的時候打戲前一定要敷一片,不然那個妝會很不貼。」

「因為拍戲長時間的燈光,還有帶很厚的彩妝,其實對皮膚是蠻傷的,所以清潔我也會很在意,所以會的定期的排汗,這樣的話可能會對於代謝會比較好。」

網上流傳,「感光植物」,包括芹菜、韭菜、檸檬、紅蘿蔔等,佢哋含有銅、鐵、鋅等金屬元素,接觸紫外線後,會增加皮膚黑色素、皮膚紅腫、長斑等等;如過度攝取,而又不好好保護肌膚的話,再加上曬多幾曬,就會容易令皮膚變黑。

下?咁檸檬呢?檸檬有維他命C,唔係美白嘅咩?食咗會變黑?營養師話,檸檬真係感光食物,但要一次過要食300百個先會變黑‧‧‧‧‧‧

亦有專家就話,感光食物經過消化之後,感光性會大為降低,所以一般情況下,其實唔會發生「變黑」嘅情況;亦有營養師指出,如體質對光過敏者,就要特別留意。

都係嗰句,如攝取過量,幾有益嘅食物都冇益啦。營養師舉例,如果三餐都食木瓜、紅蘿蔔等,就會造成「胡蘿蔔素黃皮症」,令皮膚變得較黃。

當然最重要嘅都係,做足防曬步驟啦。

同埋呢,敷mask太密都唔好0架,一星期兩次已經好夠。日敷夜敷,反而令皮膚冇得唞。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載