蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月26日

【吳君麗離世】薛家燕女兒感愕然 黎耀祥嘆可惜:麗姐絕對冇恃老賣老

65,100
黎耀祥(右圖)對吳君麗離世感突然
建立時間 (HKT): 0926 23:25

一代粵劇名伶吳君麗今日黃昏離世,不少圈中人感突然及悲痛,與吳君麗合作無間的胡楓今晚接受《蘋果》電話訪問:「我前日同大前日去醫院探過佢,唔知佢乜事入院,我有問佢認唔認得我,佢有眨吓眼,我諗都係呢幾日,佢屋企人冇講。」胡楓表示人老始終有離開一日,他續說:「最緊要唔好辛苦,我睇佢都冇辛苦。」

相關新聞:【曾任頒獎嘉賓】頒獎給Eason表現興奮 吳君麗貼面合照

至於與吳君麗同代的謝賢,接受《蘋果》電話訪問時:「我唔知呀,因為我哋冇合作過,佢多數係唱歌同粵劇嗰邊,識就梗係識啦,但唔熟,就嚟我都走啦,個個瞓低我哋都覺得可惜,就算我瞓低大家都會覺得可惜,人一定會走,希望佢屋企人節哀順變。」

吳君麗第一套電視劇係處境劇《畢打自己人》,同麗姐合作呢套劇嘅黎耀祥:「吓!好突然,好可惜!佢係一位好nice嘅前輩,當年合作,佢好親切好有禮貌,同導演、工作人員同演員個個都好好溝通,絕對冇恃老賣老。麗姐好謙虛及有修養,經常話自己第一次演電視劇,乜都唔識,叫佢哋多提點佢,真係一個難得嘅前輩。」

相關新聞:【吳君麗逝世】最後演出《畢打自己人》 有「玉喉艷旦」美譽

吳君麗今年6月曾出席薛家燕娶新抱的喜宴,還預備大利是給新郎哥,家燕姐的女兒石祐珊接受《蘋果》電話訪問表示:「嗰晚細佬結婚,見到君麗姐姐好健康,狀態好好,媽咪話君麗姐姐睇住佢大,所以一定要請佢嚟飲,分享喜悅!所以當我知道佢離世好愕然,媽咪仲想請佢嚟睇演唱會,我哋完全唔知君麗姐姐入院,冇收過佢唔舒服消息,媽咪依家錄影電視節目,佢知道一定好傷心!」

至於馮素波則表示自己睇大戲時經常接見吳君麗,她說:「佢有班朋友成日一齊打牌食飯,早排聽聞佢跌倒,腳痛入咗醫院,不過就唔知佢情況。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載