蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月04日

【錯綜複雜】梁靖琪拳拳到肉唔錫身 Chilam同王陽明為女反目

44,421
建立時間 (HKT): 1004 07:05

耗資1.8億、由金牌監製梁家樹製作嘅超級港產網劇《蝕日風暴》,已經喺「黃Viu煲劇平台」香港獨家首播。過往黃Viu主力播外購劇,包括《太陽的後裔》」、《回來吧大叔》,同時仲有日劇同動畫等等,喺點擊同口碑都有相當大嘅迴響,今次首度播港產劇,喺網上都掀起唔少話題!

呢套劇分別喺香港、布達佩斯、馬來西亞等地拍攝,唔單止幕後班底勁,參與演出嘅演員亦相當有份量,主要演員包括張智霖(Chilam)、王陽明、薛凱琪、梁靖琪,同時仲有好多重量級演員助陣,當中包括:秦沛、劉兆銘、梁漢文、林嘉華、許紹雄、王敏德、羅家英、陳啟泰等。

故事講述飾演警察嘅兩大型男張智霖、王陽明本來係好拍檔,一直合作無間,破獲唔少案件,不過因為王陽明投資失利,被盧惠光以金錢利誘而出賣情報,搞到張智霖喺大馬將盧惠光移交俾當地警方嘅時候身陷險境,但王陽明最終都暗地搵咗梁靖琪幫忙,令張智霖而脫險。

經過呢件事之後,張智霖同王陽明嘅兄弟情受到考驗,加上薛凱琪同王陽明因為價值觀問題而分手收場,王陽明覺得成件事同張智霖有好大關係,最終反目收場;另一方面,飾演大反派嘅梁漢文,表面上對恩師秦沛好恭敬,但實情係投靠以劉兆銘為首嘅「高桌會」,仲為咗一己私慾出賣恩師秦沛。梁漢文吞佔咗藥廠之後,秘密生產毒品,仲招攬原本因向盧惠光出賣情報而被停職嘅王陽明,用盡各種手段幫王陽明復職,再裡應外合,操控毒品市場。

今次Toby同監製梁家樹「父女檔」上陣,不過一啲都冇著數,轉型做打女嘅Toby,喺鏡頭前埋身打鬥片段拳拳到肉,有一場被活埋嘅場面仲親身上陣,之後講佢鍾意咗張智霖,本來當年張智霖係因為王陽明而讓愛,點知佢哋結婚唔成分手收場,結果Chilam、王陽明、薛凱琪同梁靖琪嘅四角關係錯綜複雜。

話晒有唔少好戲之人助陣,加上劇情鋪排明顯比其他劇集節奏快,雖然《蝕日風暴》喺大陸已經率先播出,播放量輕鬆突破1億大關,不過呢套劇上個月22號喺「黃Viu煲劇平台」播出後,依然輕易喺「黃Viu」奪下收視冠軍,呢套劇星期一至日都會出新一集,劇迷可每晚8點免費追睇。


精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載